حافظ محمد طاہر محمود اشرفی کا اسلامی نظریاتی کونسل کا فوری طور پر اجلاس بلانے کا مطالبہ
جمعرات 18 دسمبر 2014 17:19
لاہور (اُردو پوائنٹ تازہ ترین اخبار۔ 18 دسمبر 2014ء ) پاکستان علماء کونسل کے مرکزی چیئرمین اور اسلامی نظریاتی کونسل کے رکن حافظ محمد طاہر محمود اشرفی نے اسلامی نظریاتی کونسل کا فوری طور پر اجلاس بلانے کا مطالبہ کیا ہے ۔ اسلامی نظریاتی کونسل کے چیئرمین مولانا محمد خان شیرانی کے نام ایک خط میں انہوں نے کہا ہے کہ اسلامی نظریاتی کونسل پاکستان کا سب سے مقتدر مذہبی ادارہ ہے جس کو موجودہ مسائل پر قوم کی رہنمائی کرنی چاہیے ۔
سانحہ پشاور اس بات کا تقاضہ کرتا ہے کہ اسلامی نظریاتی کونسل شریعت اسلامیہ کی رو سے اس قسم کی سفاکیت اور درندگی کے بارے میں اپنی رائے دے ۔ انہوں نے کہا کہ کونسل کے اجلاس کے لیے ماضی کے ایجنڈے کو معطل کر کے صرف اور صرف سانحہ پشاور پر یک نکاتی ایجنڈے پر بحث کی جائے ۔(جاری ہے)
دریں اثناء لاہور میں مختلف مکاتب فکر کے علماء اور مسالک کے قائدین سے گفتگو کرتے ہوئے حافظ محمد طاہر محمود اشرفی نے کہا کہ علماء حق نے ہمیشہ دہشت گردی اور انتہاء پسندی کی مذمت کی ہے ۔
دہشت گردی اور انتہاء پسندی کے ساتھ مدارس اور مساجد کو جوڑنا قومی یکجہتی کو نقصان پہنچانے کے مترادف ہے ۔انہوں نے کہا کہ معصوم بچوں کو قتل کرنے والے کسی مذہب ، مسلک کے نمائندہ نہیں ہیں اور پوری انسانیت کو ایسے گروہوں کا مقابلہ کرنے کے لیے متحد ہو جانا چاہیے ۔ انہوں نے کہا کہ کل ملک بھر میں شہداء کے لواحقین کے ساتھ اظہار یکجہتی کیا جائے گا اور ملک کے تمام مکاتب فکر کے خطباء مساجد میں دہشت گردی کے خلاف قرارداد مذمت منظور کریں گے ۔ حافظ محمد طاہر محمود اشرفی نے کہا کہ 30 دسمبر کو لاہور میں ہونے والی ”پیغام اسلاف کانفرنس“ملک کے اندر امن و امان کے قیام ، اسلام کی سربلندی اور پاکستان کو ایک اسلامی فلاحی مملکت بنانے کے لیے راستہ متعین کرے گی ۔ اس کانفرنس میں ملک بھر سے دو ہزار سے زائد علماء اور مشائخ شریک ہوں گے ۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.