دھند میں کمی کے بعد لاہورایئرپورٹ پروازوں کیلئے کھول دیا گیا

جمعرات 18 دسمبر 2014 11:45

لاہور(اُردو پوائنٹ تازہ ترین اخبار۔ 18 دسمبر 2014ء)لاہور میں دھند کی شدت میں کمی کے بعد لاہورکے علامہ اقبال انٹرنیشنل ایئرپورٹ کوپروازوں کیلئے کھول دیا گیا ہے،ایئرپورٹ ذرائع کے مطابق ایئرپورٹ کوپروازوں کیلئے کھول دیا گیا ہے تاہم دھند کے باعث متعدد پروازیں تاخیر کا شکار ہیں،واضح رہے کہ شدید دھند کے باعث لاہور کے علامہ اقبال انٹر نیشنل ائیرپورٹ کو پروازوں کیلئے بندکر دیا گیا ہے اور لاہور آنے والی 2 غیرملکی پروازوں کو کراچی اوراسلام آباد موڑ دیاگیا تھا۔

۔ ادھر حد نگاہ صفر ہونے پر لاہور سے پنڈی بھٹیاں اور موٹروے سے فیصل آباد جانے والے راستے کو ٹریفک کے لیے بند کر دیا گیا ہے۔موٹروے حکام نے ڈرائیور وں کو محتاط رہنے کی ہدایت کی ہے۔ ادھر فیصل آباد ، سرگودھا ، ڈی جی خان ، ملتان ، ساہیوال ، اوکاڑہ اور شیخوپورہ میں شدید دھند سے حد نگاہ صفر ہو گئی۔

(جاری ہے)

ڈی آئی جی موٹروے فخر سلطان کے مطابق شیخوپورہ میں ایم ٹو ، موٹروے لاہور سے پنڈی بھٹیاں تک ٹریفک کے لیے بند کر دی گئی ہے جبکہ ایم تھری موٹروے کو پنڈی بھٹیاں سے فیصل آباد تک بند کیا گیا۔

گوجرانوالہ ، گجرات اور میانوالی میں بھی بعض مقامات بھی شدید دھند کی لپیٹ میں ہیں۔ جی ٹی روڈ پر دھند کی وجہ سے حد نگاہ مختلف مقامات پر دس سے بیس میٹر تک رہ گئی جس کے باعث گاڑی چلانے والوں کو محتاط رہنے کی ہدایت کی گئی ہے۔

Facebook Twitter Google + Share on Whatsapp

دھند میں کمی کے بعد لاہورایئرپورٹ پروازوں کیلئے کھول دیا گیا

مزید اہم خبریں