سیاسی رہنما متحد ہو گئے، سانحہ پشاور میں زخمی بچوں کی عیادت کو نہ جانا ہوتا تو عمران کے ساتھ کنٹینر پر جاتا: وزیراعظم
بدھ 17 دسمبر 2014 17:36
اسلام آباد (اُردو پوائنٹ اخبار تازہ ترین۔17دسمبر 2014ء) وزیراعظم نواز شریف نے دھاندلی اور اس سے متعلقہ معاملات کو حل کرنے کیلئے عمران خان کو باضابطہ مذاکرات کی دعوت دے دی ہے۔ تحریک انصاف کے چیئرمین عمران خان نے کہا ہے کہ جمہوری عمل کو آگے لے کر جانا چاہتے ہیں، جوڈیشل کمیشن کا جو بھی فیصلہ ہو، قبول کریں گے۔ تفصیلات کے مطابق وزیراعظم نواز شریف کا کہنا تھا کہ کوئی ایسا مسئلہ نہیں جس کا حل نہ ہو، بات چیت سے پہاڑ جیسے معاملات بھی حل ہو سکتے ہیں، عمران خان کو دعوت دیتا ہوں کہ آئیں اور تمام معاملات مل بیٹھ کر حل کرتے ہیں، اگر عمران خان مجھے کہیں بلانا چاہتے ہیں تو میں بھی جانے کو تیار ہوں۔
ایک سوال کے جواب میں نواز شریف نے کہا کہ دھاندلی کی تحقیقات کیلئے جوڈیشل کمیشن کے بارے میں ازخود سپریم کورٹ کے چیف جسٹس کو خط لکھا تھا جس میں کہا گیا تھا کہ جوڈیشل کمیشن بنایا جائے تو دھاندلی اور اس سے متعلقہ معاملات کا احاطہ کر سکے۔(جاری ہے)
وزیراعظم نواز شریف کا کہنا تھا کہ حال ہی میں سپریم کورٹ کا جو فیصلہ آیا ہے اس کی روشنی میں بات کریں گے اور اسی لئے عمران خان کو دعوت دی ہے اور اگر یہ مجھے دعوت دیں گے تو میں چلا جاﺅں گا۔
اس موقع پر پاکستان تحریک انصاف کے چیئرمین عمران خان نے کہا کہ تمام اختلافات ایک طرف لیکن سانحہ پشاور پر اکٹھے ہیں، ایسے سانحے کے بعد لازم تھا کہ ہم سب اکٹھے ہو جائیں، پہلے بھی کہا تھا سانحہ پشاور قومی ایشو ہے، اس پر حکومت کی حمایت کریں گے۔ انہوں نے کہا کہ مجرموں کو پکڑنے کا مطالبہ کونسا جرم ہے؟ میرے نواز شریف سے اختلافات انا کا مسئلہ نہیں ہے، جمہوری عمل کو آگے لے کر جانا چاہتے ہیں، جوڈیشل کمیشن کا جو بھی فیصلہ ہوا قبول کریں گے۔ ایک سوال کے جواب میں عمران خان نے کہا کہ یہاں سے سیدھا اسلام آباد دھرنے میں جا رہا ہوں، اس پر وزیراعظم نے کہا کہ ” میں نے سانحے پشاور میں زخمی بچوں کی عیادت کیلئے جانا ہے، اگر نہ جانا ہوتا تو ان کے ساتھ کنٹینر پر ہی چلا جاتا“۔ پریس کانفرنس کے بعد وزیراعظم نواز شریف اور عمران خان نے مصافحہ بھی کیا جس پر ماہرین کا کہنا ہے کہ سانحہ پشاور نے جہاں پوری قوم کو متحد کر دیا ہے وہیں گزشتہ کئی مہینوں سے جاری سیاسی بحران بھی ختم ہوتا نظر آ رہا ہے۔مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.