منور مغل کی سربراہی میں تاجر وں کے وفد کی سی ڈی اے کے ممبر ایڈمن سے ملاقات
تاجربرادری کے تحفظات کاجائزہ لینے کے لئے آئندہ پیر کو اجلاس بلانے کا فیصلہ، کشمیر ہائی وے پر دو فلائی اوور کا کام شروع، کشمیر ہائی وے اور اسلام آباد ایکسپریس وے کو سگنل فری کر دیا جائے گا اور ایکسپریس وے پر منی ٹرین سروس بھی شروع کی جائے گا،عامر احمد علی
جمعرات 11 دسمبر 2014 18:37
اسلام آباد (اُردو پوائنٹ اخبار تازہ ترین۔11دسمبر 2014ء) فیڈریشن آف پاکستان چیمبر ز آف کامرس اینڈ انڈسٹری (ایف پی سی سی آئی ) کے نائب صدر منور مغل کی قیادت میں تاجر برادری کے نمائندہ وفد نے سی ڈی اے کے ممبرا یڈمن عامر احمد علی سے ملاقات کی اور ان کو درپیش مسائل پیش کئے۔ وفد میں آئی سی سی آئی فاونڈر گروپ کے چیئرمین اور سابق صدر عبد الروف ، سابق صدور طارق صادق، ظفر بختاوری، اعجاز عباسی ، خالد اقبال ملک ، خالد چوہدری ، ملک سہیل حسین، چوہدری مختار ، طاہر ایوب اور نعیم پراچہ شامل تھے۔
سی ڈی اے کے ممبر ایڈ مسٹریشن عامر احمد علی نے اس موقع پر اپنے خیالا ت کا اظہار کرتے ہوئے کہاکہ یہ تاثر غلط ہے کہ سی ڈی اے مالی طور پر کمزور ہے گزشتہ دس ماہ میں کافی فرق پڑ چکا ہے ۔(جاری ہے)
شہر میں ٹریفک بہت زیادہ بڑھ چکی ہے۔ اس کیلئے سی ڈی اے نے کئی منصوبوں کی پلاننگ شروع کر دی ہے اور عنقریب کشمیر ہائی وے پر دو فلائی اوور کا کام بھی شروع کر دیا جائے گا۔
کشمیر ہائی وے اور اسلام آباد ایکسپریس وے کو سگنل فری کر دیا جائے گا اور ایکسپریس وے پر منی ٹرین سروس بھی شروع کی جائے گا۔عامر احمد علی نے مزید کہاکہ پلاننگ ونگ اور بی سی ایس کے متعلقہ تاجر برادری کے تحفظات دور کردئے جا ئیں گے اور اگلے پیر کو ایک اجلا س طلب کر لیا گیا ہے جس میں تمام مسائل پر بات چیت ہوگی۔فیڈریشن آف پاکستان چیمبر ز آف کامرس اینڈ انڈسٹری (ایف پی سی سی آئی) کے نائب صدر منورمغل نے اس موقع پر اپنے خیالات کا اظہار کرتے ہوئے کہاکہ سی ڈی اے میں ممبرایڈمن کے علاوہ کوئی بھی ممبرتاجر برادری کے مسائل پر توجہ نہیں دیتا اور گزشتہ پندرہ سال سے مسائل جوں کے توں ہیں او ر تاجر برادری سی ڈی اے سے سخت نالاں ہے ، ایسا نہ ہو کہ یہ لاوہ پھٹ جائے۔انہوں نے مزید کہاکہ کیس ٹوکیس والی پالیسی ختم کی جائے اور خصوصی طور پر پلاننگ ڈویژن کی درستگی کی جائے۔اسلام آباد چیمبر آف کامرس اینڈانڈسٹری فاؤنڈ رگروپ کے چیئرمین اور سابق صدر عبد الروف نے اس موقع پر اپنے خیالات کا اظہار کرتے ہوئے کہاکہ شہر بھر میں لیز کی تجدید کے ایک ہزار سے زائد کیسز ہیں جس کی وجہ سے سی ڈی اے کو ریونیو نہیں ملتا اور نہ ہی لوگوں کے کام ہوتے ہیں ۔ انہوں نے اپیل کی سی ڈی اے افسران اپنا رویہ تبدیل کریں۔ وفاقی محتسب نے تیرہ سال قبل ایک فیصلہ دیا۔ لیکن ابھی تک اپیل خارج شروع ہونے کے باوجود سی ڈی اے فیصلہ تسلیم کرنے سے قاصر ہے ۔اسی طرح پلاننگ ونگ کئی مسائل کے حل میں رکاوٹ بنا ہوا ہے ۔ انہوں نے مز ید کہاکہ اگلے اجلا س کو سی ڈی اے فیصلہ کن بنائے اور تمام مسائل حل کرنے کے اقدامات کرے۔متعلقہ عنوان :
مزید تجارتی خبریں
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.