سراج الحق کی عمران خان سے ملاقات، بامقصد مذاکرات واحد راستہ ہیں،جماعت اسلامی

بدھ 3 دسمبر 2014 15:09

اسلام آباد(اُردو پوائنٹ اخبار تازہ ترین۔3دسمبر۔2014ء) امیر جماعت اسلامی سراج الحق کا کہنا ہے کہ اگر حکومت جوڈیشل کمیشن بنانے پر تیار ہو جائے تو مسئلہ حل ہو سکتا ہے ، عمران خان کے ترجمان نعیم الحق کا کہنا ہے کہ الیکشن کمیشن کے صوبائی ممبران دھاندلی میں ملوث تھے۔جماعت اسلامی کے امیر سراج الحق نے تحریک انصاف کے چیئرمیں عمران سے بنی گالہ میں ملاقات کی ۔

ملاقات کے بعد میڈیا سے بات کرتے ہوئے سراج الحق نے کہا حکومت جوڈیشل کمیشن بنا دے تو مسئلہ حل ہو سکتا ہے۔

(جاری ہے)

سراج الحق کا کہنا تھا کہ فائنل فیصلہ آنے تک فریقین اپنے موقف پر قائم رہیں گے ۔ سراج الحق نے کہا بحران سے نکلنے کے لیے بامقصد مذاکرات ہی واحد راستہ ہیں ، سنجیدہ مذاکرات سے بہت سے مسئلے ہو جاتے ہیں ۔ ان کا کہنا تھا کہ فریقین میں مذاکرات کی خواہش موجود ہے ، ہمارے سنجیدہ مسائل چوک اور چوراہوں میں حل نہیں ہونے چاہئیں ۔ عمران خان کے ترجمان نعیم الحق نے کہا الیکشن کمیشن کے صوبائی ممبران دھاندلی میں ملوث تھے ۔ نعیم الحق کا کہنا ہے کہ تحریک انصاف تینوں ججوں کا احترام کرتی ہے۔