پیٹرولیم مصنوعات میں کمی، ملک بھر میں پیٹرول نایاب

پیر 1 دسمبر 2014 11:17

پیٹرولیم مصنوعات میں کمی، ملک بھر میں پیٹرول نایاب

کراچی/لاہور(اُردو پوائنٹ اخبار تازہ ترین۔یکم دسمبر 2014ء) وزیر اعظم کیجانب سے پیٹرولیم مصنوعات کی قیمتوں میں کمی کے بعد پیٹرول نایاب ہوگئیں۔ کراچی،لاہور سمیت کئی شہروں میں متعدد پمپس بند ہیں جبکہ لاہور میں پرانی قمیتوں پر فروخت پر پانچ پیٹرول پمپس بند کر دیئے گئے ہیں۔

(جاری ہے)

کراچی اورلاہور سمیت ملک کے مختلف شہروں میں پیٹرول پمپ مالکان حکومت کیجانب سے قیمتوں میں کمی کے باوجود پرانی نرخوں پر پیٹرول فروخت کر رہے ہیں جبکہ کئی پیٹرول پمپ مالکان نے پٹرولیم مصنوعات کی قیمتوں میں کمی پر پیٹرول کی مصنوعی قلت پیدا کردی ہے۔

کہیں بجلی کی لوڈشیڈنگ اور کہیں سپلائی نہ ہونے کا بہانہ بنایا جارہا ہے۔ پیٹرول کی مصنوعی قلت کےباعث شہریوں کو شدید مشکلات کاسامناکرنا پڑ رہا ہے۔ لاہور میں ضلعی انتظامیہ نے پیٹرول مالکان کیجانب سے مصنوعی قلت پیدا کرنے اور نئی قیمتوں پر فروخت نہ کرنے پر پانچ پیٹرول پمپس سیل کر دئیے۔ ضلعی انتظامیہ کی ٹیموں نے ماڈل ٹاؤن میں پیٹرول پمپس کی چیکنگ کی ہے۔ کراچی میں کئی پیٹرول پمپس بند ہیں جبکہ بعض علاقوں میں پمپس پر شہریوں کی بڑی تعداد نظر آرہی ہیں۔

متعلقہ عنوان :