صنعتکاروں کاوزیراعلیٰ شہبازشریف کو انڈسٹری کے مسائل کے حل کیلئے عملی اقدامات پر خراج تحسین،

اللہ تعالیٰ دھرنے والوں کو ملکی مفاد میں تعمیری سیاست کرنے کی سمجھ دے،صنعتکاروں کی احتجاجی سیاست پر کڑی تنقید

جمعہ 28 نومبر 2014 23:38

لاہور (اُردو پوائنٹ اخبار تازہ ترین۔28نومبر 2014ء) ٹیکسٹائل صنعت سے وابستہ صنعتکاروں نے وزیراعلیٰ پنجاب محمد شہبازشریف کی جانب سے انڈسٹری کے مسائل کے حل کیلئے عملی اقدامات اٹھانے پر ان کی خدمات کو خراج تحسین پیش کرتے ہوئے کہا کہ صنعت ہویا زراعت ،تعلیم ہو یاصحت یا کوئی اور زندگی کا شعبہ شہبازشریف نے ہمیشہ ترجیحی بنیادوں پر مسائل حل کیے ہیں اوران کی متحرک شخصیت کے باعث گذشتہ برس انڈسٹری کو گیس کی فراہمی یقینی بنائی گئی جس کے باعث برآمدات میں خاطر خواہ اضافہ ہوا ۔

(جاری ہے)

صنعتکاروں نے دھرنا سیاست پر کڑی تنقید کرتے ہوئے کہاکہ انتشار اوراحتجاج کی بے مقصد سیاست کے باعث صنعتوں کو بے پناہ نقصان ہورہا ہے اور صنعتکار پریشان ہیں ،دھرنا سیاست کے باعث کئی ایکسپورٹ آڈرز منسوخ ہوئے ہیں۔صنعتکاروں نے کہا کہ اللہ تعالیٰ دھرنا دینے والوں کو سمجھ عطاکرے کہ وہ ملکی مفاد میں دھرنے ختم کر کے تعمیری سیاست کا طرز عمل اپنائیں۔