پولیو ورکرز سے ناروا سلوک کسی صورت برداشت نہیں ،وضع کردہ سکیورٹی پلان پر عملدرآمد کیا جائے‘ شہبازشریف،
انسداد پولیو کے حوالے سے غفلت برداشت نہیں کرونگا، متعلقہ ادارے بہترین کوآرڈینیشن کے سا تھ کام کریں، انسداد پولیو مہم کو قومی جذبے اور تحریک کی صورت میں آگے بڑھایا جائے‘ وزیراعلیٰ پنجاب کا اجلاس سے خطاب
جمعہ 28 نومبر 2014 23:38
لاہور (اُردو پوائنٹ اخبار تازہ ترین۔28نومبر 2014ء) وزیراعلیٰ پنجاب محمد شہباز شریف نے کہا ہے کہ پولیو کے موذی مرض کو جڑ سے اکھاڑ پھینکنے کیلئے تمام وسائل بروئے کار لائے جا رہے ہیں ،انسداد پولیو مہم کو قومی جذبے اور تحریک کی صورت میں آگے بڑھایا جائے ،قوم کے نونہالوں کو موذی مرض سے محفوظ رکھنے کیلئے کوئی کسر اٹھا نہ رکھی جائے، پولیو ورکرز کے ساتھ بدتمیزی یا تشدد کے واقعات کسی صورت برداشت نہیں لہٰذا انسداد پولیو مہم کے دوران پولیو ورکرز کے ساتھ سکیورٹی کا مکمل انتظام ہونا چاہیے ۔
ان خیالات کا اظہار وزیراعلیٰ شہباز شریف نے جمعہ کے روز یہاں اعلیٰ سطح کے اجلاس کی صدارت کرتے ہوئے کیا جس میں پنجاب بھر میں انسداد پولیو مہم کا جائزہ لیا گیا۔وزیراعلیٰ شہباز شریف نے اجلاس سے خطاب کرتے ہوئے کہا کہ نئی نسل کو ہر قیمت پر پولیو سے پاک ماحول فراہم کریں گے۔(جاری ہے)
انسداد پولیوکے لئے عزم اور جذبے سے کام کیا جارہا ہے -پولیو جیسے موذی مرض کے خاتمے کے لئے معاشرے کے ہر فرد کو آ گے بڑھ کر تعمیری کردار ادا کرناہوگا - قوم کے نونہالوں کو موذی مرض سے محفوظ بنانے والی انسداد پولیو ٹیموں سے ناروا سلوک کسی صورت برداشت نہیں کیا جائے گا-انسداد پولیو ٹیموں کو ہر صورت مکمل سکیورٹی فراہم کی جائے اور اس مقصد کے لئے وضع کردہ سکیورٹی پلان پر مکمل عملدرآمد یقینی بنایا جائے۔
وزیراعلیٰ نے کہا کہ انسداد پولیو کے حوالے سے کوئی غفلت برداشت نہیں کی جائے گی۔ تمام متعلقہ ادارے بہترین کوآرڈینیشن کے تحت اپنے فرائض سر انجام دیں- وزیراعلیٰ نے ہدایت کی کہ پولیو کے موذی مرض کے حوالے سے عوام میں شعورکی بیداری کیلئے موثر مہم چلائی جائے اور پولیو ورکرز کی تربیت کے پروگرام کو مزید موثر بنایا جائے۔ وزیراعلیٰ نے راولپنڈی اور لاہور میں ماحولیاتی نمونے پازیٹو ہونے کا نوٹس لیتے ہوئے کہا کہ ماحولیاتی نمونوں کو نیگٹو کرنے کیلئے ہرممکن اقدام اٹھایا جائے اور انسداد پولیو مہم باقاعدگی سے جاری رکھی جائے۔ مشیر برائے صحت خواجہ سلمان رفیق، چیف سیکرٹری، انسپکٹر جنرل پولیس پنجاب، سیکرٹری داخلہ، سی سی پی او لاہور، کمشنر لاہور ڈویژن، ڈی سی او لاہور اور متعلقہ حکام نے اجلاس میں شرکت کی۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.