عمران خان نے فتنہ فساد کا راستہ چھوڑ کر عدالتی راہ اختیار کی ، ان کے رویے میں مثبت تبدیلی کا خیر مقدم کرتے ہیں ، امید ہے اب وہ یوٹرن نہیں لیں گے ، ہم نے الزامات کی سیاست ترک کردی ، عمران خان پر الزام لگتا ہے تو وہ طیش میں آجاتے ہیں ،ایشوز کی سیاست کریں تو انہیں خوش آمدید کہیں گے، عمران کے دائیں اور بائیں جاگیر دار ، سرمایہ دار اورگدی نشین کھڑے ہوتے ہیں ، اگر وہ شیشے کے گھر میں بیٹھ کر پتھر پھینکے گے تو ان کے گھر کے شیشے سلامت نہیں رہیں گے ،ہمارے قائد اپنے سفری اخراجات خود برداشت کرتے ہیں ، نذرانے وصول نہیں کرتے
وفاقی وزیر اطلاعات و نشریات سینیٹر پرویز رشید کی پارلیمنٹ ہاؤس کے باہر میڈیا سے گفتگو
جمعرات 27 نومبر 2014 17:06
اسلام آباد ( اُردو پوائنٹ تاز ترین اخبار۔ 27نومبر 2014ء ) وفاقی وزیر اطلاعات و نشریات سینیٹر پرویز رشید نے کہا ہے کہ تحریک انصاف کے سربراہ عمران خان نے فتنہ فساد کا راستہ چھوڑ کر عدالتی راہ اختیار کی ، ان کے رویے میں مثبت تبدیلی کا خیر مقدم کرتے ہیں ، امید ہے اب وہ یوٹرن نہیں لیں گے ، ہم نے الزامات کی سیاست ترک کردی ، عمران خان پر الزام لگتا ہے تو وہ طیش میں آجاتے ہیں ، وہ ایشوز کی سیاست کریں تو انہیں خوش آمدید کہیں گے ۔
وہ جمعرات کو پارلیمنٹ ہاؤس کے باہر میڈیا سے گفتگو کر رہے تھے ۔ انہوں نے کہا کہ تحریک انصاف عام آدمی کی جماعت کے دعوے دار عمران کے دائیں اور بائیں جاگیر دار ، سرمایہ دار اورگدی نشین کھڑے ہوتے ہیں ، اگر وہ شیشے کے گھر میں بیٹھ کر پتھر پھینکے گے تو ان کے گھر کے شیشے بھی سلامت نہیں رہیں گے ۔(جاری ہے)
انہوں نے کہا کہ ہماری جماعت میں متوسط طبقے کے لوگ ہیں اور ہمارے قائد اپنے سفری اخراجات خود برداشت کرتے ہیں ، نذرانے وصول نہیں کرتے ہیں ۔
عمران خان کے اخراجات لوگ اٹھا رہے ہیں ۔ انہوں نے کہا کہ عمران خان خواتین میں تبدیلی چاہتے ہیں تو پارلیمنٹ میں آئیں ، پاکستان میں آئین قانون کی حکمرانی ہے ، شکایات کا ازالہ کیا جائے گا ۔ انہوں نے کہا کہ عمران خان نے فتنہ فساد کا راستہ چھوڑ کر عدالتی راستہ اختیار کیا اس کا خیر مقدم کرتے ہیں ، امید ہے کہ اب وہ یوٹرن نہیں لیں گے ۔ انہوں نے کہا کہ عمران خان کو مجھ سے شکایات ہے کہ میں ان کی اچھائی بیان نہیں کرتا ، اب انہوں نے عدالتوں سے رجوع کرنے کا فیصلہ کیا ہے ، پاکستان ایک تہذیب یافتہ ملک ہے اور قانون سے بالا تر کوئی نہیں وہ کنٹینر پر کھڑے ہوکر الزامات لگاتے ہیں ، ان کو جواب نہیں دے سکتے تھے ۔ اب ان کے الزامات کے جواب دینے کا ہمیں عدالت میں موقع ملے گا ۔ انہوں نے کہا کہ مسلم لیگ (ن) کے رہنماء زبیر عمر نے کچھ حقائق بیان کیے تو عمران خان نے وہی باتیں کی جو سابق چیف جسٹس افتخار چوہدری کے بارے میں کیا کرتے تھے ۔ انہوں نے کہا کہ صحافیوں کے بارے میں کہا گیا کہ ان میں 270 کروڑ روپے تقسیم کیے گئے ہیں ۔ انہوں نے کہا کہ میں عمران خان کو یاد دلانا چاہتاہوں کہ اپنی گفتگو خود سنا کریں اور توجہ دیا کریں ۔ انہوں نے کہا کہ عمران خان کے نزدیک سرمایہ دار کھڑے ہوتے ہیں ، سینیٹر مشاہد اللہ اب کرایہ کے مکان میں رہتے ہیں ، مسلم لیگ (ن) عام آدمی کی پارٹی ہے ،ہمارے قائد سفری اخراجات خود برداشت کرتے ہیں ۔ انہوں نے کہا کہ عمران خان کل آپ بھی اپنے ٹیکس ریٹرن فائل کے ساتھ آئیں اور میں بھی آؤں گا ۔ انہوں نے کہا کہ پاکستان میں سیاسی قوتوں پر عوام اعتماد کرتے ہیں ۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.