جماعت اسلامی کی پو لیو ورکرز پر حملے کی مذمت

کوئٹہ(اُردو پوائنٹ تاز ترین اخبار۔ 27نومبر 2014ء) جماعت اسلامی کے صوبائی نائب امیر مولانا عبدالحق ہاشمی، شیخ الحدیث، مولانا امین اللہ کاکڑ،مولانا ہدایت الرحمان بلوچ نے پولیوورکرزپر فائرنگ ،معصوم خواتین کی ہلاکتوں اور زخمی کرنے کی شدید مذمت کرتے ہوئے کہا کہ یہ واقعہ انسانیت سوزوبزدلانہ واقعہ ہے جس کی جتنی بھی مذمت کی جائے کم ہے قانون نافذ کرنے والے ادارے معصوم لوگوں کی جان ومال سے کھیلنے والوں کے خلاف کاروائی کریں امن سب کی ضرورت ہے بلوچستان پہلے سے بیماریوں ،تعصب نفرت اور امن دشمنوں کا شکار ہے سب ملکر امن کے قیام ، معاشرہ کی اصلاح ،ہر برائی بیماری ،تعصب ،نفرت،علاقائیت،کرپشن اور ظلم کے خلاف آوازبلند کریں ۔

(جاری ہے)

انہوں نے کہا کہ کسی بھی معصوم کی جان لینا انسانیت سے دشمنی ہے غریب عورتوں کو قتل کرکے کس کی خدمت کی جارہی ہے جماعت اسلامی ہر مظلوم کیساتھ اور ہر ظالم کے خلاف ہے حکومت ہر مظلوم کو تحفظ فراہم کریں عوام کی جان ومال کاتحفظ حکومت کی ذمہ داری ہے غفلت برتنے والوں کو کڑی سزادی جائے اسلامی وپرامن پاکستان کیلئے سب کو بلاامتیازملکر کو یکجہتی واتحاد کا مظاہرہ کرنا ہوگا