30 نومبر بھی عام دنوں کی طرح گزر جائیگا، عوام ترقی کے عمل کو پٹڑی سے نہیں اترنے دینگے۔سینیٹر مشاہداللہ خان

بدھ 26 نومبر 2014 23:32

اسلام آباد (اُردو پوائنٹ تاز ترین اخبار۔ 26نومبر 2014ء) پاکستان مسلم (ن) کے مرکزی سیکرٹری اطلاعات سینیٹر مشاہداللہ خان نے کہا کہ اگر عمران خان واقعی میں پاکستان کے لیے لڑ رہے ہیں تو سڑکوں پر فیصلے کرنے کی بجائے ایوان میں آ کر تعمیری سیاست کا آغاز کریں۔ایک بیان میں انھوں نے کہا کہ اگر عمران خان اپنا خطاب دھرنے کی بجائے ایوان کے اندر کھڑے ہو کر کرینگے تو ان کی بات کو سنجیدہ لیا جائے گا۔

(جاری ہے)

مشاہداللہ خان نے کہا کہ حکومت نے پر امن مظاہرین پر تشدد کیا اور نہ ہی آئندہ کوئی ارادہ ہے۔ انھوں نے کہا کہ عمران خان قانون کے مطابق چلیں تو پھر انہیں کوئی خوف اور ڈر نہیں ہونا چاہئیے۔مشاہداللہ خان نے کہا کہ پرویز خٹک صوبے کے وزیر اعلی ہیں انہیں وفاقی حکومت کے خلاف جھوٹا پروپیگنڈہ زیب نہیں دیتا۔ انھوں نے کہا کہ دس لاکھ تو کیا دس کروڑ افراد کو نکال لائیں مگر قانون کو ہاتھ میں نہ لیا جائے۔ مشاہداللہ خان نے کہا کہ 30 نومبر بھی عام دنوں کی طرح گزر جائیگا، عوام ترقی کے عمل کو پٹڑی سے نہیں اترنے دینگے۔

Facebook Twitter Google + Share on Whatsapp

30 نومبر بھی عام دنوں کی طرح گزر جائیگا، عوام ترقی کے عمل کو پٹڑی سے نہیں اترنے دینگے۔سینیٹر مشاہداللہ خان

مزید اہم خبریں