صوبے بھر کی کھیت سے منڈیوں سمیت تمام سڑکوں کا ڈیٹا بینک مرتب کرنے کی ہدایت
کھیت سے منڈیوں تک سڑکوں کی تعمیر و مرمت کے تمام جاری منصوبے رواں مالی سال مکمل کئے جائیں‘شہباز شریف، منصوبوں کی تیز رفتاری سے تکمیل سے دیہی کمیونٹی اور کاشتکاروں کو ذرائع نقل و حمل کی بہترین سہولتیں میسر آئیں گی ، زرعی معیشت کو فروغ ملے گا، حکومت ہر ممکن وسائل فراہم کرے گی‘وزیراعلیٰ پنجاب کا اجلاس سے خطاب
منگل 25 نومبر 2014 20:39
لاہور(اُردو پوائنٹ تاز ترین اخبار۔ 25نومبر 2014ء ) وزیراعلیٰ پنجاب محمد شہباز شریف نے کہا ہے کہ جدید انفراسٹرکچر کسی بھی ملک کی ترقی میں اہم کردار ادا کرتا ہے اور پنجاب حکومت ذرائع نقل و حمل کی بہترین سہولتیں فراہم کرنے پر اربوں روپے خرچ کر رہی ہے،وزیراعلیٰ نے کھیت سے منڈیوں تک سڑکوں کی تعمیر و مرمت کے تمام جاری منصوبے رواں مالی سال مکمل کرنے کی ہدایت کرتے ہوئے کہا کہ تیز رفتاری سے ان منصوبوں کی تکمیل سے دیہات میں رہنے والے افراد کو ذرائع نقل و حمل کی بہترین سہولتیں میسر آئیں گی اور کاشتکاروں کو اپنی اجناس منڈیوں تک لے جانے میں آسانی ہوگی۔
انہو ں نے صوبے بھر کی کھیت سے منڈیوں سمیت تمام سڑکوں کا ڈیٹا بینک مرتب کرنے کی بھی ہدایت کی۔وزیراعلی محمد شہباز شریف نے ان خیالات کا اظہار منگل کے روز دیہات میں رہنے والے افراد کی سہولت اور ترقی و خوشحالی کیلئے کھیت سے منڈیوں تک سڑکوں کے جاری اور نئے منصوبوں کا جائزہ لینے سے متعلق اعلی سطح کے اجلاس کی صدارت کرتے ہوئے کیا۔(جاری ہے)
اجلاس کے دوران سیکرٹری مواصلات و تعمیرات نے کھیت سے منڈیوں تک سڑکوں کی تعمیرو مرمت کے منصوبوں کے حوالے سے بریفنگ دی ۔
وزیراعلیٰ محمد شہباز شریف نے اجلاس سے خطاب کرتے ہوئے کہا کہ کھیت سے منڈیوں تک سڑکوں کی تعمیر و مرمت کے جاری منصوبے رواں مالی سال مکمل ہونے چاہئیں اور ان منصوبوں کی تکمیل سے زرعی معیشت کو فروغ ملے گا۔ انہوں نے کہا کہ تعمیر و ترقی میں جدید انفراسٹرکچر کا کردارنہایت اہمیت کا حامل ہے اور حکومت اس ضمن میں ہر ممکن وسائل فراہم کرے گی۔ وزیراعلیٰ نے اس حوالے سے ایک کمیٹی تشکیل دینے کی ہدایت کرتے ہوئے کہا کہ یہ کمیٹی کھیت سے منڈیوں تک سڑکوں کی تعمیر و مرمت کے جاری و نئے منصوبوں اور دیگر امور کے حوالے سے حتمی سفارشات پیش کرے ۔صوبائی وزیر زراعت ڈاکٹر فرخ جاوید، پارلیمانی سیکرٹری برائے مواصلات و تعمیرات نعیم اختر خان، چیئرمین منصوبہ بندی و ترقیات، سیکرٹریز زراعت، اطلاعات، خزانہ، کمشنر لاہور ڈویژن، ڈی جی ایل ڈی اے اور متعلقہ حکام نے اجلاس میں شرکت کی۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.