تحریک انصاف کے 30 نومبر کے جلسے میں شرکت کا فیصلہ مشاورت سے کرینگے، طاہر القادری

منگل 25 نومبر 2014 13:04

بھکر(اُردو پوائنٹ اخبار تازہ ترین۔25نومبر 2014ء) پاکستان عوامی تحریک کے سربراہ ڈاکٹر طاہر القادری کا کہنا ہے کہ وہ انقلاب کی منزل پانے تک جدوجہد جاری رکھیں گے ، ان کا کہنا ہے پی ٹی آئی نے 30نومبر کے جلسے کی دعوت دی ہے ، شرکت کا حتمی فیصلہ مشاورت سے کریں گے۔ اپنی تقاریر سے بھونچال برپا کرنے والے شعلہ بیاں مقررڈاکٹر طاہر القادری عارضہ دل کے باعث آج تھکے تھکے نظر آئے ۔

(جاری ہے)

بھکر میں میڈیا سے بات کرتے ہوئے انہوں نے کہا ان کی حالت ایسی ہو گئی ہے جیسے موت کو چھو کر آئے ہوں ۔ ڈاکٹر طاہر القادری نے کہا مزار قائد کے 25 دسمبر تک پروگراموں کا ناغہ نہیں کرنا چاہتا ، مارچ اپریل میں سرائیکی وسیب کو کور کروں گا ۔ ڈاکٹر طاہر القادری نے کہا ڈاکٹروں نے دل کی مرض کی تشخیض کر دی تھی لیکن علاج نہیں کرایا ۔ علاج کراتا تو 4 ماہ انتظار کرنا پڑتا۔ طاہر القادری نے کہا پی ٹی آئی نے 30نومبر کے جلسے کی دعوت دی ہے ، شرکت کا حتمی فیصلہ مشاورت سے کریں گے۔