اقتدار کی ہوس میں مبتلا عمران خان تحریک انصاف کو زیراستعمال ایک پبلک لمیٹڈ کمپنی کے جہاز کی طرزپر چلارہے ہیں،غیروں کے ٹکڑوں پر پلنے والے انقلاب نہیں لاسکتے،30 نومبر کی آڑ میں اسلام آباد پر حملہ برداشت نہیں کیا جائیگا، وفاقی وزیر مملکت برائے پانی و بجلی چوہدری عابد شیر علی کا بیان
اتوار 23 نومبر 2014 20:42
راولپنڈی/ اسلام آباد(اُردو پوائنٹ اخبار تازہ ترین۔23نومبر۔2014ء) وفاقی وزیر مملکت برائے پانی و بجلی چوہدری عابد شیر علی نے کہاہے کہ اقتدار کی ہوس میں مبتلا عمران خان تحریک انصاف کو بھی زیراستعمال ایک پبلک لمیٹڈ کمپنی کے جہاز کی طرزپر چلارہے ہیں،غیروں کے ٹکڑوں پر پلنے والے انقلاب نہیں لاسکتے،30 نومبر کی آڑ میں اسلام آباد پر حملہ برداشت نہیں کیا جائیگا۔
اتوار کو اپنے ایک بیان میں انہوں نے کہا کہ پاک چین معاہدوں کی مخالفت کرنے والے اپنی ناکامی پر تلملا اٹھے ہیں اور منافقت کا لبادہ پہن کرآج چائنہ کو اپنا بھائی قرار دینا شروع ہوگئے ہیں،ہر شخص کی ہاں میں ہاں ملانا،دمڑی اور چمڑی بچانا شیخ رشیدکا پرانا وطیرہ ہے،شاہ محمودقریشی نے سچ کہا کہ ”پرائی بارات میں ناچے کوئی اور،، انہوں نے کہا کہ علماء کرام کے قدموں میں بیٹھنے کے دعوے کرنے والے شیخ رشید کی لال حویلی کی سیاست اب ناچ گانے تک محدود ہوگئی ہے، سارے خیراتی سیاستدان حکومت کی مخالفت میں ایک ہوگئے ہیں،عوام ان پر حیران ہیں کہ کھاتے مانگ مانگ کر ہیں اور باتیں بڑھ بڑھ کر کرتے ہیں،شیخیاں مارنے سے باز نہیں آتے،اس کی تو وہی مثل ہے کہ”خیرات کے ٹکڑے اور بازار میں ڈکار،،چوہدری عابد شیر علی نے کہا کہ اقتدار کے پجاری اور خیراتی سیاستدانوں نے ہر کسی کا دامن پکڑنے کی کوشش کی لیکن کسی نے انہیں سہارا نہیں دیاکیونکہ ہر کوئی ان کی اصلیت سے واقف ہے،ملک میں زلزلہ آئے یا سیلاب سونامی کی صورت میں آئے ان لوگوں نے کسی غریب کو روٹی کھلانا بھی گوارا نہیں کیا ،یہ لوگ اپنے کنٹینر اور جہاز سے باہر آنے کو تیار ہی نہیں ہوتے،ان کا مقدر اقتدار نہیں بلکہ میلہ اور ٹھیلہ ہے،ان کو انتخابی اصلاحات سے بھی کوئی سروکار نہیں ،ان کو تو بس حکومت گرانے کا ایک بہانہ چاہیئے،انہوں نے کہا کہ موجودہ حکومت 2018 تک اپنی آئینی مدت پوری کریگی اور وزیراعظم نواز شریف کچھ بھی ہو اقتدار نہیں چھوڑیں گے،ویسے بھی خدا کا شکر ہے کہ عمران خان نے تسلیم کرلیا ہے کہ میاں نواز شریف کا نام لینے سے انہیں سکون کی اور میٹھی نیند آتی ہے،اسلیئے 30 نومبر کے بعد عمران خان کی آگ ٹھنڈی ہوجانی چاہیئے۔(جاری ہے)
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.