پوری امت مسلمہ کو غربت ،کرپشن ، جہالت او رنا انصافی کے خاتمے کے لئے جنگ لڑنا ہوگی،،اقوام عالم میں نمایاں مقام حاصل کرنے کیلئے ہم سب کو مل کر اتحاداور اتفاق کے ساتھ محنت،دیانتداری اور امانت کے ساتھ کام کرناہوگا،اگر آپس میں دست و گریبان رہے تو اقوام عالم میں مقام حاصل نہیں کر سکیں گے، بدقسمتی سے امت مسلمہ آج بھی ڈکٹیشن پر چل رہی ہے، گیس ،تیل، زرخیز زمین اور قدرتی وسائل کے باوجود اتحاد اور اتفاق کی کمی کے باعث امت مسلمہ اقوام عالم میں بہت پیچھے ہے،بعض سیاسی جماعتوں کو دھرنے اور احتجاج کی سیاست سے پرہیز کرنا چاہیے،اگر احتجاج کرنا ہے تو قانون کے دائرے میں رہ کرنظم وضبط کے ساتھ ہونا چاہیے ،وزیراعلیٰ پنجاب کی جماعت اسلامی کے امیر کی قیادت میں مندوبین کے وفد سے ملاقات اور میڈیا سے گفتگو
اتوار 23 نومبر 2014 20:38
لاہور(اُردو پوائنٹ اخبار تازہ ترین۔23نومبر۔2014ء) وزیراعلیٰ پنجاب محمد شہبازشریف سے جماعت اسلامی پاکستان کے امیر سراج الحق کی قیادت میں تین روزہ اجتماع میں شرکت کرنے والے اسلامی ممالک سے آئے مندوبین کے وفد نے اتوار کو یہاں ملاقات کی - وزیراعلیٰ محمد شہبازشریف نے جماعت اسلامی کے وفد سے گفتگو کرتے ہوئے امیر جماعت اسلامی سراج الحق اور اسلامی ممالک سے تعلق رکھنے والے مندوبین کا خیر مقدم کرتے ہوئے خوش آمدید کہا-انہوں نے کہاکہ جماعت اسلامی کالاہور میں ہونے والا تین روزہ اجتماع نظم وضبط اور بھائی چارے کا شاندار مظاہرہ تھا-اسلام کے سنہری اصول بھی ہم سب کو اتحاد ، اتفاق اور بھائی چارے کی درس دیتے ہیں اور آج ہمیں اسلام کے یہ سنہری اصول اپنی زندگیوں میں اپنا نے کی ضرورت ہے-وزیراعلیٰ پنجاب محمد شہبازشریف نے اپنے فکر انگیز خطاب میں کہاکہ پاکستان کے قیام کا بنیادی مقصد یہاں مساوات اور منصفانہ نظام کا قیام ہے جہاں سب کو یکساں انصاف میسر آئے اوریہاں حقیقی معنوں میں اسلامی فلاحی مملکت کا وجود ہو-میں سمجھتا ہو ں کہ ہم سب مل کر اتحاداور اتفاق کے ساتھ محنت،دیانتداری اور امانت کے ساتھ اس منزل کی طرف چلناہوگا اور یہی پیغام ہمارے قائدین نے دیاہے-انہوں نے کہا کہ کاسا بلا نکاسے کوالالمپور تک 50مسلم ممالک بے شمار نعمتوں اور قدرتی وسائل سے مالا مال ہیں لیکن بدقسمتی سے امت مسلمہ آج بھی ڈکٹیشن پر چل رہی ہے -ہمارے پاس گیس ،تیل، زرخیز زمین اور قدرتی وسائل موجود ہیں لیکن آپس میں اتحاد اور اتفاق کی کمی کے باعث امت مسلمہ اقوام عالم میں بہت پیچھے ہیں-آج پوری امت مسلمہ باہمی تنازعات میں الجھی ہوئی ہے-علم ، سائنس اینڈ ٹیکنالوجی ، ریسرچ اور دیگر میدانوں میں مغرب بہت آگے نکل چکاہے اور عالم اسلام پیچھے ہے-مذہب کے نام پر فرقہ بندیاں پیداہو چکی ہیں،زبان ،رنگ ونسل کی بنیاد پر تقسیم درتقسیم ہورہی ہے او ریہی امت مسلمہ کے زوال کا باعث ہے-اسلامک بلاک کو آج متحد ہونے کی جتنی ضرورت ہے پہلے کبھی نہیں تھی اور یہی وقت آپس کے اتحاد اور اتفاق ہے -محض بیانات سے اتحاد اور اتفاق کا عظیم کام پایہ تکمیل تک نہیں پہنچ سکتا -اس کے لئے عملی طو رپر اقدامات کرناہوں گے-وزیراعلیٰ نے اپنے کلیدی خطاب میں اسلامی ممالک سے تعلق رکھنے والے مندوبین کو مخاطب کرتے ہوئے کہاکہ پوری امت مسلمہ کو غربت ،کرپشن ، جہالت او رنا انصافی کے خاتمے کے لئے میدان میں نکل کر جنگ لڑنا ہوگی-اگر ہم آپس میں دست و گریبان رہے تو اقوام عالم میں مقام حاصل نہیں کر سکیں گے - پیارے نبی حضرت محمد اور قرآن پاک کی تعلیمات بھی برداشت ، تحمل ، رواداری ، بھائی چارے اور امن کا درس دیتی ہیں لیکن مسلمانوں میں عدم برداشت کا رویہ پیدا کیا گیاہے اورہم دین اسلام کی تعلیمات کو بھول چکے ہیں اگر ہم آج اپنی زندگیوں میں اسلام کے سنہری اصول ،رواداری ، برداشت ، تحمل اور امن کواپنا لیں تو ہمارے کئی مسائل حل ہو سکتے ہیں-وزیراعلیٰ نے کہاکہ یورپی ممالک کئی برس تک جنگ وجدل کرتیرہے،لاکھوں افرادقتل ہوئے لیکن آج وہ ایک ہو چکے ہیں،وہ اپنا بھیانک ماضی بھول کر زندگی کی نئی حقیقتوں کو تلاش کر کے ترقی کر رہے ہیں لیکن میں سمجھتا ہو ں کہ ابھی بھی وقت ہاتھ سے نہیں گزرا، امت مسلمہ اپنے شاندار ماضی کی دوبارہ تجدید کر سکتی ہے لیکن شرط ہے کہ ہم الله کی رسی کو مضبوطی سے تھامے رہیں اور دین اسلام کی تعلیمات پر حقیقی معنوں میں عمل پیرا ہوں-آج مغرب نے ہمارے سنہری اصول اپنائے ہیں جبکہ ہم انہیں فراموش کر چکے ہیں-امت مسلمہ کو اتحاد اور اتفاق کے ساتھ آگے بڑھنا ہوگا اور نا انصافی ، کرپشن اور جہالت کے خاتمے کے لئے مل کر جنگ کرنا ہوگی اور منصفانہ نظام کو رائج کرنے کے لئے محنت ، دیانت اور عزم کے ساتھ کام کرنا ہوگا -یہ وہ چیلنجز ہیں جن سے ہم سب کو مل کر نمٹنا ہے او رمیں سمجھتا ہو ں کہ یہ مشکل ضرور ہے لیکن نا ممکن نہیں کیونکہ تاریخ میں بے شمار اقوام نے تباہی کے بعد محنت ، عزم اور دیانت کے ذریعے اپنا مقام دوبارہ حاصل کیاہے-انہوں نے کہاکہ غربت صرف روپے پیسے کی کمی کا نام نہیں بلکہ عزت اور احترام نہ ملنا بھی غربت ہی ہے۔
(جاری ہے)
متعلقہ عنوان :
مزید اہم خبریں
-
جرمنی میں الیکٹرک کارکی رجسٹریشن میں کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.