Live Updates

تحریک انصاف کے چیئرمین عمران خان پرسوں اپنی 62ویں سالگرہ منائیں گے

اتوار 23 نومبر 2014 13:44

لاہور(اُردو پوائنٹ اخبار تاز ترین۔ 23نومبر 2014ء) پاکستان تحریک انصاف کے چیئرمین اورقومی کرکٹ ٹیم کے سابق کپتان عمران خان پرسوں ( منگل ) کو اپنی 62 ویں سالگرہ منائیں گے، دنیا کے عظیم کرکٹر کا پورا نام عمران خان نیازی ہے۔ سوشل میڈیا کے مطابق پاکستان کرکٹ ٹیم کے سابق کپتان، شوکت خانم میموریل ہسپتال کے بانی اور تحریک انصاف کے سربراہ عمران خان 25 نومبر 1952ء میں اکرام اللہ خان کے گھر پیدا ہوئے۔

وہ پاکستان کرکٹ ٹیم کے لیے 1971 سے 1992 تک کھیلتے رہے۔

(جاری ہے)

1995ء میں عمران خان نے مرحوم برطانوی ارب پتی، سر جیمز گولڈ سمتھ کی بیٹی، جیمیما گولڈ سمتھ سے شادی کی۔ جیمیا گولڈ سمتھ نے شادی سے پہلے اسلام قبول کر لیا اور ان کا اسلامی نام جمائما خان ہے۔ اس شادی کا شہرہ پوری دنیا میں ہوا اور عالمی میڈیا نے اس کو خصوصی اہمیت دی۔ تاہم 22 جون 2004ء کو انہوں نے طلاق کا اعلان کیا۔ عمران خاننے 25 اپریل 1996ء کو تحریک انصاف قائم کرکے سیاسی میدان میں قدم رکھا۔

Live پاکستان تحریک انصاف سے متعلق تازہ ترین معلومات