عمران خان سے مذاکرات کیلئے بار بار رابطے کی کوشش کی گئی ‘ تحریک انصاف نے ہر مرتبہ نئی شرائط پیش کر دیں ‘پرویزرشید
ہفتہ 22 نومبر 2014 13:12
اسلام آباد (اُردو پوائنٹ تاز ترین اخبار۔ 22نومبر 2014ء) وفاقی وزیر اطلاعات ونشریات سینیٹر پرویز رشید نے کہا ہے کہ عمران خان سے مذاکرات کیلئے بار بار رابطے کی کوشش کی گئی ‘ تحریک انصاف نے ہر مرتبہ نئی شرائط پیش کر دیں ‘ پانچ مطالبات مانے جانے کا اقرار کر نے والے کہتے تھے ہمارا ایک بھی مطالبہ نہیں مانا گیا ‘ عمران خان جو ڈیشل کمیشن نہیں چاہتے ‘ مطالبات دھرنے کے ذریعے تسلیم کر وانا چاہتے ہیں ‘ عمران خان کے بچے باہر رہتے ہیں ‘ خود روزانہ پرائیویٹ جہازوں پر سفر کرتے ہیں ‘ عوام پوچھتے ہیں پیسہ کہاں سے آیا ؟۔
ایک انٹرویو میں وزیر اطلاعات نے کہاکہ وزیراعظم نے جوڈیشل کمیشن کیلئے سپریم کورٹ کو خط لکھ دیا ہے، اب عمران خان کو چاہئے کہ وہ اپنے مطالبات کیلئے سپریم کورٹ جائیں۔(جاری ہے)
انہوں نے کہا کہ پی ٹی آئی کی جوڈیشل کمیشن بنانے اور انتخابی اصلاحات کمیٹی تشکیل دینے کے مطالبات پورے کئے جا چکے ہیں۔ وزیراعظم محمد نوازشریف نے جوڈیشل کمیشن کی تشکیل کیلئے اگست میں سپریم کورٹ کو خط لکھ دیا تھا وزیراعظم نے اپنے خط میں کہا ہے کہ چیف جسٹس انتخابات کی شفافیت کے حوالے سے عمران خان کے الزامات کی تحقیقات کیلئے جوڈیشل کمیشن بنائیں، اسی طرح انتخابی اصلاحات کیلئے ایک خط سپیکر کو بھی لکھا گیا تھا۔
حکومت نے اصلاحات کمیٹی میں شیخ رشید کی شمولیت کیلئے اپنے ارکان کی تعداد میں کمی کر دی تھی۔ وفاقی وزیر نے کہا کہ مطالبات کی منظوری کے بعد عمران خان کبھی کمیٹی کے پاس نہیں گئے ہم نے عمران خان سے مذاکرات کیلئے بار بار رابطے کرنے کی کوشش کی تاہم عمران خان نے ہر مرتبہ نئی شرائط پیش کر دیں جو قانون اور آئین سے بالاتر ہیں۔ انہوں نے کہا کہ عمران خان جوڈیشل کمیشن میں انٹیلی جنس ایجنسیوں کے ارکان کو شامل کرنا چاہتے ہیں۔ پرویز رشید نے کہا کہ عمران خان جوڈیشل کمیشن نہیں چاہتے بلکہ وہ وزیراعظم کا استعفیٰ چاہتے ہیں اور وہ اپنے مطالبات دھرنے کے ذریعے تسلیم کروانا چاہتے ہیں۔ وفاقی وزیر نے کہا کہ عدلیہ کے معزز ارکان پر عمران خان کے الزامات کے بعد سپریم کورٹ بڑی احتیاط سے کام لے رہی ہے۔ انہوں نے کہا کہ بنی گالہ کا شہزادہ عمران خان 6 سو ایکڑ کے گھر میں رہتا ہے ایک جاگیردار کی طرح اپنی زمین سے 26 لاکھ روپے کماتا ہے اور اس کے بچے باہر رہتے اور باہر ہی پڑھتے ہیں اور وہ پرائیویٹ جہازوں میں سفر کرتے ہیں۔ انہوں نے کہا کہ شیخ رشید کنٹینر پر اس جاگیردار کا ساتھ دے رہے ہیں۔ وفاقی وزیر نے کہا کہ عمران خان جانتے ہیں کہ انتخابات میں دھاندلی نہیں ہوئی، ماضی کے انتخابات میں انہیں صرف ایک سیٹ ملی جبکہ اس وقت انہوں نے 35 نشستیں جیتی ہیں۔ انہوں نے کہا کہ 30 نومبر کو اگر کسی نے قانون ہاتھ میں لینے کی کوشش کی تو اس کے ساتھ سختی سے نمٹا جائے گا۔ پچھلی مرتبہ پی ٹی آئی نے اپنے وعدوں کو توڑا اور معاہدوں میں لکھی گئی جگہ چھوڑ کر وہ تخریب کاری پر آ گئے اور پارلیمنٹ، وزیراعظم ہاؤس اور پی ٹی وی پر حملہ کیا اب ایسا نہیں ہونے دینگے ایک سوال کے جواب میں انہوں نے کہاکہ مذاکرات کے دور ان تحریک انصاف کے ارکان کہتے تھے کہ ہمارا ایک بھی مطالبہ نہیں مانا گیا اب خود عمران خان کنٹینرپر کھڑے ہو کر کہتے ہیں کہ ہمارے پانچ مطالبات مان لئے گئے تھےمتعلقہ عنوان :
مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.