Live Updates

تحریک انصاف کے سونامی نے اندرون سندھ کا رخ کر لیا

جمعہ 21 نومبر 2014 10:58

تحریک انصاف کے سونامی نے اندرون سندھ کا رخ کر لیا

لاڑکانہ(اُردو پوائنٹ اخبار تازہ ترین۔21نومبر 2014ء) تیس ایکڑ رقبے پر محیط جلسہ گاہ کو چار حصوں میں تقسیم کیا گیا ہے۔ قائدین کے لئے سترہ فٹ اونچا ، چوبیس فٹ چوڑا اور چونسٹھ فٹ طویل اسٹیج تیار کیا گیا۔ بم ڈسپوزل اسکواڈ نے اسٹیج اور جلسہ گاہ کی چیکنگ کر کے جگہ کو کلئیر قرار دے دیا ہے۔ پنڈال میں پینتیس ہزار سے زیادہ کرسیاں لگا دی گئی ہیں۔

(جاری ہے)

ہر طرف لہراتے پارٹی پرچم اور قد آور ہورڈنگز بھی خوب رنگ بکھیر رہے ہیں۔

مختلف شہروں سے تحریک انصاف کے کارکن جلسہ گاہ پہنچنا شروع ہو گئے ہیں۔ کارکنوں کا جوش وخروش بھی قابل دید ہے۔ پنڈال میں بارہ سو پولیس اہلکار سیکورٹی کے فرائض انجام دیں گے۔ عمران خان دوپہر دو بجے موہنجو دڑو ایئرپورٹ پہنچیں گے جنہیں ریلی کی شکل صورت میں جلسہ گاہ لایا جائے گا۔

Live پاکستان تحریک انصاف سے متعلق تازہ ترین معلومات