انفارمیشن ٹیکنالوجی سے متعلق عالمی چیلنجز پر پورا اترنے کیلئے سینٹر فار انفارمیشن سسٹمز آڈیٹنگ کی تشکیل نو کردی آڈیٹر جنرل آف پاکستان
جمعرات 20 نومبر 2014 22:35
اسلام آباد (اُردو پوائنٹ اخبار تازہ ترین۔20نومبر 2014ء) آڈیٹر جنرل محمد اختر بلند رانا نے کہا ہے کہ انفارمیشن ٹیکنالوجی سے متعلق عالمی چیلنجز پر پورا اترنے کیلئے سینٹر فار انفارمیشن سسٹمز آڈیٹنگ کی تشکیل نو کردی ہمارے آڈیٹرز کو اس ابھرتے ہوئے آڈٹ کے جدید طریقوں سے روشناس ہونا چاہئے۔ وہ جمعرات کو ایک سیمینار سے خطاب کر رہے تھے جس کا مقصد آئی ایس آڈٹ سے متعلق آگاہی پیدا کرنا تھا۔
انہوں نے کہا کہ آئی ایس ۔ آئی ٹی آڈیٹنگ ایک ابھرتا ہوا شعبہ ہے جسے بین الاقوامی سطح پر تسلیم کیا گیا ہے۔ آئی ٹی آڈیٹنگ مجموعی آئی ٹی گورننس میں بہتری اور مضبوطی کا ذریعہ ہے۔ آئی ایس ۔ آئی ٹی آڈٹ دنیا بھر میں سپریم آڈٹ انسٹیٹیوشنز کی جانب سے کئے جانے والے آڈٹس کا مرکزی موضوع بن گیا ہے۔(جاری ہے)
انہوں نے کہا کہ سرکاری اداروں میں کمپیوٹر کے بڑھتے ہوئے استعمال کے پیش نظر یہ ضروری ہو گیا ہے کہ آڈٹ کے شعبہ میں بھی انفارمیشن سسٹم اور انفارمیشن ٹیکنالوجی کو بروئے کار لایا جائے۔
انہوں نے کہا کہ ہمارے آڈیٹرز کو اس ابھرتے ہوئے آڈٹ کے جدید طریقوں سے روشناس ہونا چاہئے۔ پاکستان میں آئی ایس ۔ آئی ٹی کے شعبہ میں بھرپور مواقع موجود ہیں۔ پاکستان میں آئی ٹی آڈیٹنگ کے فروغ اور اس حوالے سے مہارت کی فراہمی کی اشد ضرورت ہے تاکہ ہم دیگر ترقی پذیر ممالک کا مقابلہ کر سکیں۔ اختر بلند رانا نے کہا کہ آڈیٹرز کو الیکٹرانک ووٹنگ سسٹم و بارڈر مینجمنٹ انفارمیشن سسٹم کی غیر موجودگی اور سائبر کرائمز میں اضافے کے رجحان کو اجاگر کرنا چاہئے۔ واضح سمت اور حکمت عملی کے ساتھ آڈیٹرز آئی ٹی کے فرق کو پورا کر سکتے ہیں۔ ڈپٹی ڈائریکٹر جنرل آڈٹ پالیسی نغمہ اشفاق نے بھی سیمینار سے خطاب کیا۔ انہوں نے کہا کہ گزشتہ ڈیڑھ عشرہ کے دوران انفارمیشن ٹیکنالوجی جدت اختیار کی ہے جس کا زندگی کے تمام شعبوں پر اثر پڑا ہے۔ سیمینار میں اے جی پی کے تمام ذیلی دفاتر کے گریڈ 20 اور اس سے اوپر کے افسران نے شرکت کی۔مزید اہم خبریں
-
ایران پر اسرائیل کے حملے اور دھماکوں کے بعد پروازیں معطل
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.