شمالی وزیرستان :پاک فوج کی فضائی کارروائی ، 33دہشت گرد ہلاک

جمعہ 14 نومبر 2014 11:38

شمالی وزیرستان :پاک فوج کی فضائی کارروائی ، 33دہشت گرد ہلاک

شمالی وزیرستان(اُردو پوائنٹ اخبار تازہ ترین۔14نومبر 2014ء) تحصیل دتہ خیل میں پاک فوج کی فضائی کارروائی میں تینتیس دہشت مارے گئے۔شمالی وزیرستان میں پاک فوج کا آپریشن ضربِ عضب کامیابی سے جاری ہے، آج صبح شمالی وزیرستان کی تحصیل دتہ خیل میں پاک فضائیہ نے جیٹ طیاروں سے دہشت گردوں کے ٹھکانوں کو نشانہ بنایا، جس کے نتیجے میں کمانڈر سیف اللہ سمیت تینتیس دہشت گرد مارے گئے ۔

(جاری ہے)

کارروائی میں دہشت گردوں کے متعدد ٹھکانے بھی تباہ ہوئے۔ شمالی وزیرستان میں پاک فوج تسلسل کے ساتھ دہشت گردوں کیخلاف آپریشن جاری رکھے ہوئے ہیں اور اب تک خطرخواہ کامیابیاں ملی ہیں ۔ دوسری جانب حکومت کا کہنا ہے کہ علاقے میں دہشت گردوں کیخلاف آپریشن کے باعث نقل مکانی کرنے والوں کی واپسی کےلئے حکمت عملی تیار کی جارہی ہے۔

متعلقہ عنوان :