خیبرایجنسی:دہشت گرد گروہوں میں جھڑپ، پانچ ہلاک

جمعرات 13 نومبر 2014 11:02

خیبرایجنسی(اُردو پوائنٹ اخبار تازہ ترین۔13نومبر 2014ء) دو دہشت گرد گروہوں کی آپس میں ٹھن گئی جس کے نتیجے میں پانچ افراد ہلاک جب کہ سات زخمی ہوگئے ہیں۔ تفصیلات کے مطابق خیبر ایجنسی کے علاقے وادیِ تیراہ میں جمعرات کی صبح دو شدت پسند گروہ توحیدِ اسلام اور لشکرِ اسلام میں میں جھڑپ ہوئی ہے۔
جھڑپ کے نتیجے میں لشکر ِاسلام سے تعلق رکھنے والے پانچ دہشت گرد ہلاک ہوئے جب کہ توحید ِ اسلام سے تعلق رکھنے والے سات دہشت گرد زخمی ہوگئے ہیں۔

واضح رہے کہ پاکستان آرمی فاٹا میں شدت پسندوں کے خلاف آپریشن ضربِ عضب کئی ماہ سے جاری رکھے ہوئے ہے جس کے نتیجے میں سینکڑوں شدت پسن ہلاک اور زخمی ہوچکے ہیں۔