اسمارٹ فونز کی ریکارڈ فروخت سے ایل جی الیکٹرانکس کو تیسری سہ ماہی میں غیرمعمولی منافع
ہفتہ 1 نومبر 2014 13:10
کراچی، (اُردو پوائنٹ اخبار تازہ ترین۔یکم نومبر 2014ء)۔ ایل جی الیکٹرانکس (ایل جی) نے گزشتہ سال کے مقابلے میں رواں سال 7.4 فیصد آمدن میں اضافے کا اعلان کیا ہے۔ غیرآڈٹ شدہ اعداد و شمار کے مطابق اس اعلان کے بعد ایل جی کی کل آمدن 14.54 ارب ڈالر (14.92 کھرب جنوبی کورین وان) تک پہنچ گئی ہے جبکہ آپریٹنگ منافع گزشتہ سال کے اسی عرصہ کے مقابلے میں رواں سال کی تیسری سہ ماہی میں 461.3 ارب ڈالر (449.61 ارب ملین جنوبی کورین وان) کے ساتھ دوگنا ہوچکا ہے ۔
ایل جی کے شاندار نتائج کی نمایاں وجہ موبائل بزنس میں اضافہ ہے جس کے باعث اسمارٹ فونز کی تیسری سہ ماہی میں 16.8 ملین یونٹس کی ریکارڈ فروخت نوٹ کی گئی۔ایل جی ہوم انٹرٹینمنٹ کمپنی نے تیسری سہ ماہی میں 4.71 بلین ڈالر (4.71 کھرب جنوبی کورین وان) آمدن کا اعلان کیا جو گزشتہ سال اسی عرصہ کے مقابلے میں 3 فیصد کم ہے، آپریٹنگ منافع گزشتہ سال اسی عرصے کے مقابلے میں پانچ فیصد اضافے سے 127.19 ملین ڈالر (130.5 جنوبی کورین وان) ہوگیا ہے۔
(جاری ہے)
ایل جی موبائل کمیونکیشنز کمپنی کی جانب سے 16.8 ملین ریکارڈ توڑ دینے والے اسمارٹ فونز کی فروخت ہوئی جو گزشتہ سال کی سہ ماہی کے مقابلے میں 39 فیصد اضافہ ہے اور گزشتہ سہ ماہی کے مقابلے میں 16 فیصد یونٹس کی زیادہ فروخت ہے۔ ایل جی موبائل کمیونکیشنز کمپنی کی جانب سے 4.14 ارب ڈالر کی زیادہ فروخت اور آپریٹنگ آمدن میں 163.16 ملین ڈالر (167.4 بلین جنوبی کورین وان) اضافہ ہوا جو 2009 کی تیسری سہ ماہی کے بعد کمپنی کی تاریخ میں آمدن کا بلند ترین اضافہ ہوا۔ اپنی ترقی کو برقرار اور لگاتار دو سہ ماہیاں منافع بخش رکھتے ہوئے ایل جی کو توقع ہے کہ اسمارٹ فون کی مارکیٹ میں بھرپور مسابقت کے باوجود جی سیریز اور ایل سیریز کے ماڈلز کے ساتھ اپنی پوزیشن مستحکم کرلے گا۔
ایل جی ہوم اپلائنس کمپنی نے 2.84 ارب ڈالر (2.91 کھرب جنوبی کورین وان) آمدن کا اعلان کیا ہے جو کوریا، یورپ سمیت مشرق وسطیٰ اور جنوب مشرقی ایشیا کے ترقی پذیر ممالک میں مصنوعات کی ریکارڈ فروخت کے باوجود گزشتہ سال اسی عرصے کے مقابلے میں معمولی طور پرکم ہے۔ شمالی امریکہ میں سخت مسابقت اور غیرملکی کرنسی کے نامناسب تبادلے کے نتیجے کے باعث تیسری سہ ماہی میں کم آپریٹنگ منافع 50.49 ملین ڈالر (51.8 ارب جنوبی کورین وان) رہا۔ ایل جی کو رواں سال کی چوتھی سہ ماہی میں ہوم اپلائنسز میں توسیع اور بہتر قیمت کے باعث منافع میں اضافے کی توقع ہے۔
ایل جی ایئر ایئر کنڈشنگ اینڈ انرجی سلوشن کمپنی نے 902.14 ملین ڈالر (925.6 ارب جنوبی کورین وان) آمدن کا اعلان کیا ہے جو گزشتہ سال کے مقابلے میں 5 فیصد کم ہے۔ اس کے علاوہ کوریا میں موسمی حالات کے باعث رہائشی ایئرکنڈیشنرز کی طلب میں کمی کے باعث آپریٹنگ نقصان 2.44 ملین ڈالر (2.5 ارب جنوبی کورین وان) رہا جبکہ مشرق وسطیٰ اور لاطینی امریکہ میں ترقی کا توازن مستحکم رہا۔ ایل جی کو توقع ہے کہ بہتر صارف دوست اور کم خرچ توانائی کے نظام کے باعث سمندرپار فروخت میں مزید اضافہ ہوگا جبکہ کوریا میں اسکی کمرشل مصنوعات کے ساتھ سول انڈسٹریز اور بڑھتی تعمیرات کا ہدف رکھا گیا ہے۔
2014 کی تیسری سہ ماہی کے ریٹس کی وضاحت: ایل جی الیکٹرانکس کے غیرآڈٹس شدہ سہ ماہی آمدن کے نتائج (اختتام 30 ستمبر 2014 تک) انٹرنیشنل فنانشل رپورٹنگ اسٹینڈرڈز (آئی ایف آر ایس) کی جانب سے فراہم کئے گئے ہیں۔ کورین کرنسی کو رواں سال کی تیسری سہ ماہی میں 1026 جنوبی کورین وان کی شرح سے فی ڈالر پر منتقل کیا گیا ہے۔
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.