جنرل ہسپتال میں قائم ڈینگی کاوٴنٹر محرم کی چھٹیوں میں بھی کام کرتا رہے گا:پروفیسر انجم حبیب وہرہ
جمعہ 31 اکتوبر 2014 22:47
لاہور(اُردو پوائنٹ اخبار تازہ ترین۔31اکتوبر۔2014ء) جنرل ہسپتال شعبہ ایمرجنسی میں قائم ڈینگی کاوٴنٹر اتوار اور نویں و دسویں محرم کی چھٹیوں کے دوران تینوں شفٹوں میں کام کرتا رہے گا اور متعلقہ سٹاف ڈیوٹی پر موجود ہوگا۔ مریضوں کی لیبارٹری ٹیسٹوں کی رپورٹس، فوری مہیا کرنے اور ہسپتال میں صفائی ستھرائی کا عمل جاری رکھنے کے لیے لیب ٹیکنیشن، سینٹری انسپکٹر و اہلکاروں اور شعبہ ورکس کے عملے کی چھٹیاں 30نومبر تک بند کردی ہیں جبکہ ڈینگی بخار میں مبتلامریضوں کے ایکسرے و الٹرا ساوٴنڈ ان کے بستروں پر کرنے کے لیے پورٹ ایبل مشین کی سہولت فراہم کردی گئی ہے۔
اس امر کا اظہار پرنسپل پی جی ایم آئی و ایل جی ایچ پروفیسر انجم حبیب وہرہ نے انسداد ڈینگی مہم کا جائزہ اجلاس کی صدارت کرتے ہوئے کیا۔(جاری ہے)
اجلاس میں پروفیسر صاحبان، ایم ایس ڈاکٹر پرویز امتیاز اور دیگر شعبوں کے انچارج نے شرکت کی۔ پروفیسر انجم حبیب وہرہ نے کہاکہ یوم عاشور پر ہسپتال کے تمام ملازمین الرٹ رہیں گے۔ انہوں نے بلڈ بینک میں تعینات ڈاکٹروں کو ہدایت کی کہ وہ ان ایام میں خون کی وافر مقدار کا سٹاک یقینی بنائیں۔
انہوں نے کہاکہ یوم عاشور پر زنجیر زنی سے متاثرہ افراد کو فوری طبی امداد فراہم کرنے کے لیے ایمرجنسی میں اضافی بیڈ لگادیئے گئے ہیں۔پرنسپل نے صفائی کے انتظامات مزید بہتر بنانے کی ہدایت کرتے ہوئے کہاکہ مریضوں کی صحتیابی میں ہسپتال کا بہتر ماحول اہم کردار ادا کرتا ہے۔ انہوں نے کہاکہ مریضوں کے علاج معالجے و نگہداشت پر مامور نرسوں کا خود تندرست ہونا ضروری ہے تاکہ ہسپتال میں داخل مریضوں کی جلد صحتیابی میں جلد مدد ملے۔ پروفیسر انجم حبیب وہرہ نے کہاکہ ڈینگی بخار میں مبتلا افراد کو فوری اور بہترین طبی سہولیات کو یقینی بنانے کے لیے جن اے ایم ایس حضرات کی اضافی ڈیوٹیاں لگائی گئی ہیں ان کی کارکردگی روزانہ کی بنیاد پر مانیٹر کی جارہی ہے۔ انہوں نے کہاکہ وزیراعلی پنجاب محمد شہباز شریف کی ہدایت پر ڈینگی کے خلاف مہم موٴثر انداز میں جاری ہے اور یہ مہم اس وقت تک جاری رہے گی جب تک اس وباء کا مکمل طور پرخاتمہ نہیں ہوجاتا۔متعلقہ عنوان :
مزید مقامی خبریں
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
-
اثریہ بوائز سکول اینڈ کالج جہلم میں سالانہ نتائج وتقسیم انعامات کی تقریب کا انعقاد ، جس میں طلباء کو اچھی کارکردگی دکھانے پر انعامات دیئے گئے
-
ایس اینڈ پی گلوبل پاکستان میں خواتین کی ترقی کے لئے سرمایہ کاری کیلئے پر عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.