شمالی وزیرستان سے افغانستان نقل مکانی کرنے والے 36 ہزار آئی ڈی پی خاندان پاکستان واپس آگئے ہیں،سردار مہتاب احمد خان
جمعہ 31 اکتوبر 2014 20:15
پشاور(اُردو پوائنٹ اخبار تازہ ترین۔31اکتوبر۔2014ء) گورنرخیبرپختونخواسردارمہتاب احمدخان نے کہاہے کہ شمالی وزیرستان سے افغانستان نقل مکانی کرنے والے 36 ہزار آئی ڈی پی خاندان پاکستان واپس آگئے ہیں جن کی کرم ایجنسی میں علی زئی کے مقام پر قائم مرکز میں رجسٹریشن کی جاچکی ہے۔ قبائلی علاقوں میں دہشت گردی کے خلاف ٹارگٹڈآپریشن کامیابی سے جاری ہیں جن کی تکمیل پر آئی ڈی پیز کو باعزت طور پر واپس بھجوایاجائیگا۔
وہ جمعہ کے روز گورنرہاؤس پشاور میں شمالی وزیرستان ایجنسی کی سرکردہ شخصیات سے ملاقات کے دوران گفتگوکررہے تھے۔ جنہوں نے سابق وفاقی سیکرٹری فرید خان وزیر کی سربراہی میں ان سے ملاقات کی۔ایڈیشنل چیف سیکرٹری فاٹا اعظم خان اور پرنسپل سیکرٹری برائے گورنر ڈاکٹر فخرعالم بھی اس موقع پر موجودتھے۔(جاری ہے)
وفد میں شامل شمالی وزیرستان سے تعلق رکھنے والے ریٹائرڈ سینئربیورکریٹس، ٹیکنوکریٹس،ممتاز معالجین اوردیگرسرکردہ شخصیات نے گورنرکو انہیں درپیش مسائل پرتفصیلی بریفنگ بھی دی ۔
وفد سے گفتگو کرتے ہوئے گورنرنے کہاکہ شمالی وزیرستان اورخیبرایجنسی میں ٹارگٹڈ آپریشن کا مقصد دہشت گردی کاصفایا کرناہے اور مزیدکہاکہ قبائلی عوام اورپوری قوم دہشتگردی کے خلاف اپریشن میں اپنی بہادر افواج کے شانہ بشانہ ہیں۔انہوں نے کہاکہ دہشت گردی کے خلاف جنگ میں گھربارچھوڑنے والے قبائل کوتنہانہیں چھوڑاجائیگااورحکومت محدودوسائل کے باوجود آئی ڈی پیز کوتمام ضروری سہولیات کی فراہمی کیلئے کوشاں ہیں جبکہ ٹارگٹڈ آپریشنز کی تکمیل پرجلد آئی ڈی پیز کی باعزت واپسی اوربحالی عمل میں لائی جائے گی۔ فاٹا میں اصلاحات کے حوالے سے گورنرنے کہاکہ اس ضمن میں فاٹاریفارمزکمیشن قائم کیاگیاہے اور قبائلی عوام کی امنگوں اورخواہشات کے مطابق اصلاحات کاعمل جاری ہے جسے جلد مکمل کر لیا جائے گا۔سردار مہتاب احمدخان نے کہاکہ وزیراعظم میاں محمد نوازشریف کی ذاتی دلچسپی سے محدود وسائل کے باوجود آئی ڈی پیز کوتمام ممکنہ سہولیات فراہم کی جارہی ہیں اور اس ضمن میں وفاقی حکومت کے ساتھ ساتھ وزیراعلی پنجاب میاں شہبازشریف کی ہدایت پرپنجاب حکومت کاتعاون بھی قابل قدر ہے۔ وفد کے شرکاء کی جانب سے اٹھائے گئے نکات کے جواب میں گورنرنے متعلقہ حکام کو ہدایت کی کہ صحت، تعلیم اور معیاری غذائی اجناس سے متعلق آئی ڈی پیز کی شکایات کافوری ازالہ کیاجائے اور اسی امر کو یقینی بنایاجائے کہ کوئی بھی بچہ تعلیم سے محروم نہ رہے۔ سردار مہتاب احمدخان نے کہاکہ حکومت نے قبائلی علاقوں سے دہشت گردی کے ناسور کاخاتمہ کرکے ان علاقوں کو ترقی اورخوشحالی کی راہ پرگامزن کرنے کا پختہ عزم کررکھاہے کیونکہ پاکستان کی ترقی اور خوشحالی کاراستہ قبائلی علاقوں سے ہوکرگزرتاہے۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.