جنوبی وزیرستان میں امریکی ڈرون حملے میں 4 افراد ہلاک، 4 زخمی،

جاسوس طیارے نے برمل کے علاقے اعظم ورسک میں ایک گھر پر 2 میزائل داغے، ذرائع

جمعرات 30 اکتوبر 2014 21:29

جنوبی وزیرستان(اُردو پوائنٹ اخبار تازہ ترین۔30اکتوبر 2014ء) جنوبی وزیرستان کی تحصیل برمل میں امریکی ڈرون حملے میں 4 افراد ہلاک اور 4 زخمی ہوگئے۔ ذرا ئع کے مطابق امریکی جاسوس طیارے نے برمل کے علاقے اعظم ورسک میں ایک گھر پر 2 میزائل داغے جس کے نتیجے میں مکان میں موجود 4 افراد مارے گئے جبکہ 4 زخمی ہوگئے۔

(جاری ہے)

اس سے قبل رواں ماہ 5 اکتوبر کوامریکی ڈرون نے جنوبی وزیرستان کی ہی تحصیل شوال میں سرحدی علاقے کنڈغر میں ایک مکان کو نشانہ بنایا تھا جس کے نتیجے میں 5 افراد ہلاک ہوئے تھے۔واضح رہے کہ گزشتہ ماہ بھی امریکا کی جانب سے جنوبی وزیرستان میں ڈرون حملے کئے گئے جبکہ رواں ماہ کا یہ دوسرا حملہ ہے جس میں ہلاکتیں رپورٹ ہوئی ہیں۔