سمندری طوفان کے خطرات کے پیش نظر بلدیہ عظمیٰ کراچی کے تمام لازمی سروسز کے محکموں میں ایمرجنسی نافذ کردی گئی
بدھ 29 اکتوبر 2014 23:07
کراچی (اُردو پوائنٹ اخبار تازہ ترین۔29 اکتوبر۔2014ء) بلدیہ عظمیٰ کراچی کے ایڈمنسٹریٹر رؤف اختر فاروقی نے کہا ہے کہ سمندری طوفان کے خطرات کے پیش نظر بلدیہ عظمیٰ کراچی کے تمام لازمی سروسز کے محکموں میونسپل سروسز انجینئرنگ، پارکس، صحت اور انسداد تجاوزات میں ایمرجنسی نافذ کر دی گئی ہے ، بدھ دوپہر 2 بجے تا طوفان کے خاتمے تک تمام افسران و عملہ موجود رہے گا، شہر میں بل بورڈز کو ہٹانے کا کام تیزی سے جاری ہے ، بدھ کی شام تک 100 سے زائد بل بورڈز کو کاٹا جاچکا ہے جبکہ کل شام تک یہ کام جاری رہے گا اور تقریباً 600 سے زائد بل بورڈز کو جو انسانی جانوں کے لئے خطرناک ہوسکتے ہیں کاٹا جائے گا، شہر کے بڑے 8 نالوں کی صفائی کا کام ہنگامی بنیادوں پر شروع کردیا ہے ،20 گریپ کرین اور 40 ڈمپرز سمیت سینکڑوں اہلکاروں نے ہنگامی بنیادوں پر کام شروع کردیا ہے اس کے لئے محکموں کو وسائل مہیا کردیئے گئے ہیں، ان خیالات کا اظہار انہوں نے بدھ کو اپنے دفتر میں سمندری طوفان کے خطرات کے پیش نظر کئے جانے والے انتظامات کے حوالے سے منعقدہ اجلاس سے خطاب کرتے ہوئے کیا اجلاس میں ایڈمنسٹرٹیر کراچی کے ایڈوائزر بریگیڈیئر (ر) اے ایس ناصر ، ڈائریکٹر جنرل ٹیکنیکل سروسز نیاز احمد سومرو، سینئر ڈائریکٹر میونسپل سروسز مسعود عالم، سینئر ڈائریکٹر صحت ڈاکٹر سلمیٰ کوثر، سینئر ڈائریکٹر انسداد تجاوزات بلال منظر اور دیگر افسران نے شرکت کی اس موقع پر انتظامات کے حوالے سے بتایا گیا کہ بارشوں کے بعد کی صورتحال کو بہتر بنانے اور پانی کی نکاسی ، 8 نالوں سمیت تمام مقامات پر کام شروع کردیا ہے ، 20گریپ کرینیں ، 40 ڈمپرز نے کام شروع کردیا ہے، 8 ایمبولینسز اور فائر بریگیڈ ٹینڈر تیار کردیئے گئے ہیں ، چاروں بڑے اسپتالوں عباسی شہید اسپتال، سرفراز رفیقی شہید اسپتال، سوبھراج میٹرنٹی ہوم اور گذدرآباد جنرل اسپتال میں ایمرجنسی میں تمام ڈاکٹر اور ادویات موجود ہوں گے، عباسی شہید اسپتال میں ڈیزاسسٹر مینجمنٹ کا شعبہ بھی قائم کردیا گیا ہے اجلاس میں بتایا گیا کہ شہر میں بل بورڈز ہٹانے پر کام تیز سے جاری ہے ، کلفٹن کے ساحل سمندر گلشن اقبال اور ضلع ساؤتھ کے تمام علاقوں میں مختلف ٹیمیں بل بورڈز کاٹنے کا کام کر رہی ہیں، ایڈمنسٹریٹر کراچی رؤف اختر فاروقی نے کہا ہے کہ بلدیہ عظمیٰ کراچی کے تمام افسران و اہلکار خصوصاً ایمرجنسی مراکز اور اسپتالوں میں عملہ و ادویات اور ڈاکٹر موجود ہوں، کسی بھی ہنگامی صورتحال میں بلدیہ عظمیٰ کراچی کے افسران مشینری کے ہمراہ سڑکوں پر موجود رہیں انہوں نے کہا کہ بارشوں کے بعد کی صورتحال کو فوری بحال کرنے اور پانی کی نکاسی کے لئے تیاریاں مکمل ہونا چاہئے، بڑے نالوں کی صفائی خصوصاً ایسی جگہوں پر جہاں پانی کی نکاسی میں رکاوٹ ہو اس کو فوراً صاف کیا جائے گا انہوں نے کہا کہ حکومت سندھ خصوصاً وزیر اعلیٰ سندھ نے اس حوالے سے خصوصی ہدایات جاری کی ہیں کہ شہریوں کو کسی بھی حوالے سے مشکلات نہ ہوں جتنا ممکن ہوسکے گا سرکاری ادارے ان کی سہولت کے لئے موجود رہیں ۔
(جاری ہے)
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.