مولانا فضل الرحمن پر خود کش حملے کا مقدمہ نامعلوم افراد کے خلاف درج کرلیا گیا

جمعہ 24 اکتوبر 2014 14:28

مولانا فضل الرحمن پر خود کش حملے کا مقدمہ نامعلوم افراد کے خلاف درج ..

کوئٹہ(اُردو پوائنٹ اخبار تازہ ترین۔24 اکتوبر۔2014ء) جمعیت علمائے اسلام (ف) کے سربراہ مولانا فضل الرحمان پر گزشتہ روز ہونے والے خودکش حملے کا مقدمہ نامعلوم افراد کے خلاف درج کرلیا گیا ہے۔

(جاری ہے)

کوئٹہ کے سٹی پولیس اسٹیشن میں ایس ایچ او کی مدعیت میں مولانا فضل الرحمان پر ہونے والے خود کش حملے کا مقدمہ نامعلوم دہشت گرد کے خلاف درج کیا گیا ہے، مقدمے میں قتل، اقدام قتل، دہشت گردی اور ایکسپلوزیو ایکٹ کی دفعات شامل کی گئی ہیں۔واضح رہے کہ گزشتہ روزکوئٹہ میں مولانا فضل الرحمان کو اس وقت نشانہ بنایا گیا جب وہ مفتی محمود کانفرنس میں خطاب کے بعد واپس جارہے تھے، دھماکے میں 3 افراد جاں بحق جبکہ 14 زخمی ہوگئے تھے۔