پی پی 162، کے ضمنی الیکشن میں نواز لیگ نے میدان مار لیا

جمعرات 23 اکتوبر 2014 22:04

شیخوپورہ(اُردو پوائنٹ اخبار تازہ ترین۔23اکتوبر۔2014ء) پی پی 162 شیخوپورہ کے ضمنی الیکشن میں نوازلیگ نے میدان مار لیا۔ حسان ریاض فاتح۔ کامیابی کی خوشی میں کارکنوں کی ہوائی فائرنگ۔ شہباز شریف نے نوٹس لے لیا۔پی پی 162 کے ضمنی الیکشن میں مسلم لیگ نواز کے حسان نواز اور آزاد امیدوار عثمان نثار پنوں کے درمیان کانٹے کا مقابلہ تھا ۔ پی پی 162 شیخوپورہ کے ضمنی انتخابات کے غیرحتمی ، غیر سرکاری نتیجہ کے مطابق مسلم لیگ نواز کے حسان ریاض نے 39 ہزار 816 ووٹ لے کر میدان مار لیا جبکہ آزاد امیدوار عثمان نثار پنوں نے 20112 ووٹ حاصل کیے۔

(جاری ہے)

نتائج موصول ہوتے ہی مسلم لیگ (ن) کے امیدوار حسان ریاض کے حامی آپے سے باہر ہو گئے۔ جیت کا نشہ چڑھا تو قاعدے اور ضابطے سب بھول گئے۔ اسلحہ بردار متوالوں نے قانون کی دھجیاں اڑا دیں۔ (ن) لیگی امیدوار کے ڈیرے پر جشن کے دوران ہوائی فائرنگ سے پورا علاقہ گونج اٹھا۔ قانون کے محافظ بھی کارروائی کے بجائے صورتحال انجوائے کرتے رہے۔ آزاد امیدوار نثار پنوں کی شکست پر (ن) لیگی کارکنوں نے زبردست آتش بازی بھی کی اور مٹھائیاں بھی تقسیم کی گئیں۔ وزیراعلیٰ پنجاب شہباز شریف نے حسان ریاض کے حامیوں کی فائرنگ کا نوٹس لیتے ہوئے پولیس کی سرزنش کی اور ملزموں کی گرفتاری کی ہدایت بھی کی ہے۔

Facebook Twitter Google + Share on Whatsapp

پی پی 162، کے ضمنی الیکشن میں نواز لیگ نے میدان مار لیا

متعلقہ عنوان :

مزید اہم خبریں