حالیہ سیلاب،خریف کی فصل کا پیداواری ہدف حاصل نہیں ہوسکے گا

جمعرات 23 اکتوبر 2014 13:33

کراچی(اُردو پوائنٹ اخبار تازہ ترین۔23 اکتوبر۔2014ء) پاکستان میں آنے والے حالیہ سیلاب کے باعث رواں مالی سال خریف کی فصل کا پیداواری ہدف حاصل نہیں کیا جاسکے گا، ذرائع کے مطابق پنجاب میں آنے والے حالیہ سیلاب کے باعث خریف کی اہم فصلوں کو شدید نقصان پہنچا، جن میں سولہ ہزار ایکڑ پر کاشت چاول،چونسٹھ ہزار ایکڑ پر کپاس اور بارہ ہزار ایکڑ گنے کی فصل شامل ہیں،ملتان، مظفرآباد، خانیوال اور جھنگ میں بھی کپاس اور گنے کی فصل کو شدید نقصان پہنچا ،سیلاب کے باعث پنجاب میں چاول کی اکیس لاکھ سات ہزار ٹن کی پیداوار متاثر ہوئی جس کی وجہ سے چاول کی قومی پیداوار ہدف سے کم رہے گی، ماہرین کا کہنا ہے کہ حالیہ سیلاب اور بارشوں سے زرعی شعبے کو کافی نقصان پہنچا اور مقررہ تین اعشاریہ تین فیصد کے ہدف کو حاصل کرنا مشکل ہوجائے گا۔

Facebook Twitter Google + Share on Whatsapp

حالیہ سیلاب،خریف کی فصل کا پیداواری ہدف حاصل نہیں ہوسکے گا

متعلقہ عنوان :

مزید تجارتی خبریں