اصل دھرنا طاہر القادری کا تھا جو انہوں نے ختم کردیا ،عمران خان تو شام کے وقت تین گھنٹے کا میوزیکل شو کرتے ہیں ‘ وزیر قانون پنجاب
بدھ 22 اکتوبر 2014 14:14
لاہور( اُردو پوائنٹ اخبار تازہ ترین۔22 اکتوبر۔2014ء) صوبائی وزیر قانون میاں مجتبیٰ شجاع الرحمن نے کہا ہے کہ اصل دھرنا ڈاکٹر طاہر القادری کا تھا جو انہوں نے ختم کردیا ہے ،عمران خان کا دھرناتو شام کے وقت تین گھنٹے کا میوزیکل شو ہوتاہے ،حکومت نے مذاکرات کے دروازے بند نہیں کئے اور دونوں جماعتوں سے یہ سلسلہ اب بھی جاری ہے ،حکومت اور عوامی تحریک کے درمیان ڈیل کی باتوں میں کوئی صداقت نہیں ،عوام نے مسلم لیگ(ن) کو جو مینڈیٹ دیا ہے اس پر پورا اتریں گے ۔
پنجاب اسمبلی کے احاطے میں میڈیاسے گفتگو کرتے ہوئے مجتبیٰ شجاع الرحمن نے کہا کہپی ٹی آئی اور عوامی تحریک کی سر گرمیوں سے ملک کو تو کوئی فائدہ نہیں ہوا البتہ چین کے صدر نے دورہ پاکستان ملتوی کر دیا اور اس دورے کے دوران توانائی سمیت اربوں ڈالرز کے منصوبوں کا افتتاح ہوناتھا۔(جاری ہے)
انہوں نے ایک سوال کے جواب میں کہا کہ طاہر القادری صوبے میں جہاں چاہیں جلسے کریں یہ ان کا جمہوری حق ہے او رحکومت سکیورٹی سمیت دیگر سہولیات کی فراہمی کیلئے اپنی ذمہ داری ادا کرے گی ۔
انہوں نے مذاکرات کے سوال کے جواب میں کہا کہ حکومت نے مذاکرات کے دروازے کبھی بند نہیں کئے اور دونوں جماعتوں سے مذاکرات کاسلسلہ اب بھی جاری ہے ۔ جہاں تک عوامی تحریک سے ڈیل کی بات ہے تواس میں کوئی حقیقت نہیں ۔ انہوں نے درج مقدمات ختم کرنے کے سوال کے جواب میں کہا کہ مذاکرات میں جب اس معاملے پر بات ہو گی تو دیکھا جائے گا ۔ وزیر قانون نے طاہر القادری کی طرف سے دھرنا ختم کرنے کے سوال کے جواب میں کہا کہ ویسے تو اصل دھرنا طاہر القادری کا ہی تھا جو انہوں نے ختم کر دیا ہے جبکہ عمران خان تو شام کے وقت میں تین گھنٹے کا میوزیکل شو ہوتا ہے ۔ دھرنے غیر موثر رہے اور اس میں شریک لوگ بھی واپس جارہے تھے ۔ عوام نے مسلم لیگ (ن) کی حکومت کو جو مینڈیت دیا ہے ہم اسے پوراکریں گے۔متعلقہ عنوان :
مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.