پیپلز پارٹی اور ایم کیو ایم کے درمیان حالیہ غلط فہمیوں کو دونوں پارٹیوں کی قیادت قابو پا لے گی،میاں منظور احمد وٹو
منگل 21 اکتوبر 2014 19:25
لاہور(اُردو پوائنٹ اخبار تازہ ترین۔21اکتوبر 2014ء) پاکستان پیپلز پارٹی پنجاب کے صدر میاں منظور احمد وٹو نے یہاں سے جاری ایک بیان میں امید ظاہر کی ہے کہ پیپلز پارٹی اور ایم کیو ایم کے درمیان حالیہ غلط فہمیوں کو دونوں پارٹیوں کی قیادت قابو پا لے گی اور پھر وہ دوبارہ صوبہ سندھ اور ملک کی خدمت پر اپنی تمام تر توجہ مرکوز کر دیں گی۔ انہوں نے کہا کہ دونوں پارٹیوں کی اعلیٰ قیادت صوبہ سندھ کی سیاسی نزاکتوں سے خوب واقف ہے اور اس لیے کہ وہ فطری سیاسی حلیف ہیں۔
یہ ایک دوسرے سے جدا رہنے کے متحمل نہیں ہو سکتیں۔ میاں منظور احمد وٹو نے کہا کہ چےئرمین بلاول بھٹو کی 18 اکتوبر کی تقریر کے بعض حصوں کو سیاق و سباق سے ہٹ کر سمجھا گیا حالانکہ چےئرمین نے اکٹھے مل کر مسائل کے حل کی اشد ضرورت پر متعدد بار زور دیا تھا۔(جاری ہے)
انہوں نے مزید کہا کہ تاہم سندھ حکومت کے وزیر اطلاعات شرجیل میمن کی وضاحت کے بعد ایم کیو ایم کے تحفظات کا ازالہ ہو جانا چاہیے تھا۔
میاں منظور احمد وٹو نے کہا کہ پیپلز پارٹی مفاہمت کی پالیسی پر عمل پیرا رہے گی کیونکہ یہ پالیسی ملک کے بہترین مفاد میں ہے۔ انہوں نے مزید کہا کہ اس پالیسی کے تناظر میں سید خورشید شاہ نے ایم کیو ایم کے بارے میں ریمارکس غیر مشروط طور پر واپس لے لئے تھے کیونکہ اس میں ان کی کوئی خراب نیت شامل نہیں تھی۔ انہوں نے مزید کہا کہ ایم کیو ایم کا رد عمل اس پر زیادہ تکلیف دہ تھا لیکن پارٹی قیادت نے اس کو صوبے کے اعلیٰ مفاد کی خاطر درگزر کیا اور اچھا کیا تاکہ رواداری اور مفاہمت کے ماحول کے فروغ کا سفر جاری رہے۔ میاں منظور احمد وٹو نے کہا کہ دونوں پارٹیوں کی قیادت صوبہ سندھ کی سیاست کے زمینی حقائق کا کلی شعور رکھتی ہیں اس لیے وقتی طور پر غلط فہمیوں پر قابو پانے کی ضرورت اور اہمیت کو سمجھتی ہیں۔ انہوں نے کہا کہ اس لیے دونوں جماعتیں دوبارہ ایک پلیٹ فارم پر اکھٹی ہو جائیں گی جو در حقیقت انکی سیاسی سوجھ بوجھ کا مظہر ہو گا۔ انہوں نے کہا کہ دونوں جماعتوں کے لیے پر امن بقائے باہمی ہی بہترین پالیسی ہے اور پیپلزپارٹی اسکو اچھی طرح سمجھتی ہے اور اس پر کاربند بھی ہے۔ میاں منظور احمد وٹو نے متنبہ کیا کہ محاذ آرائی کی پالیسی بلاشبہ صوبہ سندھ کو خصوصی طور پر شدید سیاسی مشکلات سے دوچار کر سکتی ہے جو کسی صورت میں بھی دونوں پارٹیوں کے حق میں نہیں ہو سکتی۔متعلقہ عنوان :
مزید اہم خبریں
-
بلوچستان کی 14 رکنی کابینہ نے حلف اٹھا لیا
-
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.