کراچی،2008سے پی پی، متحدہ میں 5 مرتبہ علیحدگی ہوئی، صلح اور لڑائی معمول بن چکا
کراچی(اُردو پوائنٹ اخبار تازہ ترین۔20 اکتوبر۔2014ء) 2008کے عام انتخابات سے اب تک ایم کیو ایم سندھ میں پیپلز پارٹی حکومت سے پانچ بار الگ ہوئی ہے۔ پیپلز پارٹی اور ایم کیو ایم میں کبھی صلح اور کبھی لڑائی معمول بن چکا ہے۔ فروری 2008کے عام انتخابات کے بعد آصف زرداری ایم کیو ایم کو حکومت میں شامل کرانے کیلئے نائن زیرو گئے اور اتحاد ہو گیا۔ اس کے بعد دو سال تک چھوٹے موٹے اختلافات کے ساتھ حکومتی معاملات چلتے رہے لیکن 27 دسمبر کو دونوں میں پہلی بڑی ناراضگی ہوئی اور پٹرولیم مصنوعات کی قیمت میں اضافے پر ایم کیو ایم وفاقی حکومت سے الگ ہو گئی۔
چار دن کے بعد متحدہ نے سندھ حکومت سے بھی علیحدگی اختیار کر لی تاہم اس وقت کے وزیراعظم یوسف رضا گیلانی نے پٹرول کی قیمت میں اضافہ واپس لے لیا اور 7 جنوری 2011کو نائن زیرو پہنچ کر ایم کیو ایم کو منا لیا اور وہ سندھ حکومت میں دوبارہ شامل ہو گئی۔(جاری ہے)
مئی 2011کو متحدہ نے وفاقی حکومت میں بھی اپنی چھوڑی گئی وزارتیں دوبارہ سنبھال لیں لیکن ایک ماہ بعد ہی 27 جون 2011کو ایم کیو ایم وفاقی اور سندھ حکومت دونوں سے الگ ہو گئی تاہم چار ماہ بعد پیپلز پارٹی اور ایم کیو ایم میں پھر صلح ہو گئی اور اکتوبر 2011میں ایم کیو ایم دوبارہ حکومت میں آ گئی۔
اس کے بعد 2013کے عام انتخابات سے چند ماہ پہلے متحدہ پھر حکومت سے الگ ہو گئی۔ 2013کے عام انتخابات کے بعد متحدہ 11 ماہ تک حکومت میں شامل نہ ہوئی اور سندھ اسمبلی میں اپوزیشن بنچوں پر بیٹھی تاہم پس پردہ رابطے جاری رہے اور اس 22 اپریل 2014میں ایم کیو ایم نے سندھ حکومت میں شمولیت اختیار کر لی لیکن اس بار ہنی مون پیریڈ صرف 6 ماہ ہی چل سکا اور 19 اکتوبر کو ایم کیو ایم ایک بار پھر حکومت سے الگ ہو گئی ہے۔متعلقہ عنوان :
مزید اہم خبریں
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
