وزیر اعظم پاکستان نے ناصر جعفر کو پی آئی اے کا چیئر مین مقرر کر دیا
اتوار 19 اکتوبر 2014 21:45
کراچی(اُردو پوائنٹ اخبار تازہ ترین۔19اکتوبر۔2014ء) وزیر اعظم پاکستان محمد نواز شریف نے ناصر جعفر کو پی آئی اے کا چیئر مین مقرر کر دیا ہے۔ وہ ایک منجھے ہوئے کاروباری شخص ہیں اور جعفر برادرز کے چیف ایگزیکٹو آفیسر اور جعفر گروپ آف کمپنیز کے چیئر مین ہیں۔ ان کی تقرری سے یہ توقع کی جارہی ہے کہ وہ اپنے تجربے کو استعمال کرتے ہوئے قومی ایئر لائن کو ترقی کی بلندیوں کی جانب لے جائیں گے اور پی آئی اے مسافروں کی امیدوں پر پورا اترے گی۔
چیئر مین پی آئی اے نے کہا کہ انہیں فخر ہے کہ قومی ایئر لائن کی ذمہ داریاں ان کے حوالے کی گئی ہیں اور میں پُر امید ہوں کہ پی آئی اے کو کاروباری حکمت عملی اور اپنے تجربہ کو کام میں لاتے ہوئے منافع بخش ادارے میں تبدیل کر دوں گا۔ان کا کہنا ہے پی آئی اے پاکستانیوں اور اس کے ملازمین کیلئے ہمیشہ فخر کا باعث رہی ہے۔(جاری ہے)
یہ قومی ورثہ اور پاکستان کا مستقبل ہے اور مجھے یقین ہے کہ میں اس عظیم ایئر لائن کی ترقی میں اپنا کردار ادا کرتے ہوئے اس کو مستحکم کروں گا۔
ایک تجربہ کار کاروباری منتظم ہونے کے ناطے یہ توقع کی جا رہی ہے کہ وہ پی آئی اے کے شارٹ ٹرم اور لانگ ٹرم اہداف کو حاصل کریں گے۔ یہ بات خاص طور پر قابل ذکر ہے کہ وہ بطور چیئر مین پی آئی اے تنخواہ اور مراعات نہیں لیں گے انہوں نے اپنا وقت ، تجربہ اور قابلیت پاکستان اور پی آئی اے کی ترقی کیلئے وقف کر دیا ہے۔ اس پہلے ناصر جعفر 3 جولائی سے یکم اگست 2013 تک پی آئی اے بورڈ کے ممبر رہے ہیں ۔ اس کے علاوہ وہ پی آئی اے بورڈ کی انفارمیشن ٹیکنالوجی سٹیرنگ کمیٹی کے چیئر مین اور پی آئی اے بورڈ کی آڈٹ کمیٹی اور فلیٹ مینیجمنٹ کمیٹی کے ممبر بھی ہیں۔اس کے علاوہ بھی وہ مختلف کاروباری اداروں کے بورڈ میں شامل ہیں اور سماجی شعبہ اور صحت کے اداروں میں بھی اپنا کردار ادا کر رہے ہیں۔ ناصر جعفر نے کیلفورنیا پولی ٹیکنک سٹیٹ یونیورسٹی سے تعلیم حاصل کی ہے اور جعفر گروپ کو مضبوط کاروباری بنیادوں پر کھڑا کرنے میں اہم کردار ادا کیا ہے۔مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.