بلدیاتی انتخابات کے انعقاد میں تاخیر پر سپریم کورٹ برہم

جمعہ 3 اکتوبر 2014 12:54

اسلام آباد(اُردو پوائنٹ اخبار تازہ ترین۔3اکتوبر 2014ء) سپریم کورٹ میں چیف جسٹس ناصر الملک کی سربراہی میں ہوئی۔ سماعت کے دوران ایڈوکیٹ جنرل سندھ نے بلدیاتی انتخابات میں تاخیر پر عدالت سے معزرت کرتے ہوئے کہا کہ حلقہ بندیوں سے متعلق مسودہ ایک ہفتہ میں جاری کر دیا جائے گا جس پر جسٹس عظمت کا کہنا تھا کہ معافی آئین سے مانگیں جو معاف نہیں کرتا، تینوں صوبوں نے بلدیاتی انتخابات کے لئے کچھ نہیں کیا۔

جسٹس عظمت کا کہنا تھا کہ صوبے عمل کرنے کے بجائے عذر پیش کر رہے ہیں۔

(جاری ہے)

عدالت حکم دیتی ہے مگر کسی کے کان پر جوں تک نہیں رینگتی، کیا سپریم کورٹ کو وفاقی اور صوبائی دفاتر لے جائیں۔ بلدیاتی انتخابات میں تاخیر کرنے پر چیف جسٹس ناصر الملک نے برہمی کا اظہار کرتے ہوئے کہا کہ کسی ایک صوبے نے بلدیاتی انتخابات کے لئے کچھ نہیں کیا پھر 15 نومبر سے پہلے بلدیاتی الیکشن کیسے ہوں گے۔

آرڈیننس آئے گا پھر حلقہ بندیاں ہوں گی۔عدالت نے بلدیاتی انتخابات سے متعلق کیس میں پنجاب، سندھ اور خیبر پختون خوا حکومت کے ایڈوکیٹ جنرلز کے ساتھ ساتھ اٹارنی جنرل کو نوٹسز جاری کرتے ہوئے حکم دیا کہ آئندہ سماعت پر صوبائی حکومتوں سے ہدایات لے کر عدالت کو آگاہ کیا جائے۔ کیس کی سماعت 14 اکتوبر تک ملتوی کر دی ہے۔

Facebook Twitter Google + Share on Whatsapp

بلدیاتی انتخابات کے انعقاد میں تاخیر پر سپریم کورٹ برہم

متعلقہ عنوان :

مزید اہم خبریں