آج آخری دن ، صرف 414 ارکان نے اثاثوں کی تفصیلات الیکشن کمیشن کو جمع کرائیں

منگل 30 ستمبر 2014 11:36

اسلام آباد(اُردو پوائنٹ اخبار تازہ ترین۔30ستمبر 2014ء) سیاستدانوں کے لیے اثاثوں کی تفصیلات جمع کرانے کا آج آخری دن ، صرف چار سو چودہ ارکان نے تفصیلات جمع کرائیں ، الیکشن کمیشن تفصیل ویب سائٹ پر جاری کرے گا۔ سینٹ، قومی ، صوبائی اسمبلیوں کے ساڑھے سات سو سے زائد اراکین نے تاحال اثاثوں کی تفصیلات الیکشن کمیشن میں جمع نہیں کرائیں ۔

وزیر اعظم سمیت دیگر اراکین اسمبلی و سینٹ کے اثاثوں کی تفصیلات پندرہ اکتوبر کے بعد الیکشن کمیشن کی ویب سائٹ پر اپ لوڈ کر دی جائیں گی ۔

(جاری ہے)

الیکشن کمیشن میں اثاثوں کی تفصیلات جمع کرانے کی آج آخری تاریخ ہے ۔ 1174 میں سے تاحال 414 اراکین کے اثاثوں کی تفصیلات موصول ہوئیں ۔ اثاثوں کی تفصیلات جمع کرانے والوں میں 170 قومی اسمبلی ، 56 سینٹ اراکین ، پنجاب اسمبلی کے 75، سندھ اسمبلی کے 59، خیبرپختونخوا کے 36 اور بلوچستان اسمبلی کے 18 ارکان نے تفصیلات جمع کرا دیں ۔ الیکشن کمیشن ذرائع کا کہنا ہے کہ وزیر اعظم سمیت ارکان اسمبلی کے اثاثوں کی تفصیلات ویب سائٹ پر ڈالنے کا فیصلہ کیا گیا ہے ۔ 15 اکتوبر کے بعد الیکشن کمیشن اثاثوں کی تفصیل ویب سائٹ پر اپ لوڈ کر دے گا۔