وزیراعظم سے آرمی چیف کی ملاقات، آپریشن ضرب عضب پر تبادلہ خیال

پیر 22 ستمبر 2014 17:35

اسلام آباد(اُردو پوائنٹ اخبار تازہ ترین۔22ستمبر 2014ء) آرمی چیف جنرل راحیل شریف نے وزیراعظم ہاؤس میں وزیراعظم نواز شریف سے ملاقات کی۔ آرمی چیف نے وزیراعظم کو آپریشن ضرب عضب میں ابتک ہونی والی پیش رفت اور کامیابوں سے آگاہ کیا۔

(جاری ہے)

ملاقات میں ملکی اندورنی سیکیورٹی صورتحال پر بھی تبادلہ خیال کیا گیا جبکہ آپریشن ضرب عضب کے باعث بے گھر ہونے والے افراد کی بحالی کی حکمت عملی پر غور کیا گیا۔ ذرائع کا کہنا ہے کہ وزیراعظم نواز شریف نے آپریشن ضرب عضب میں ہونی والی پیش رفت پر اطمینان کا اظہار کیا۔ ملاقات میں وزیراعظم کے دورہ امریکہ سے متعلق بھی بات چیت کی گئی۔