شکیل اوج کے قتل کے تین روزہ سوگ کے بعد کراچی یونیورسٹی کھل گئی

پیر 22 ستمبر 2014 14:21

کراچی (اُردو پوائنٹ اخبار تازہ ترین۔22ستمبر 2014ء) جامعہ کراچی کے شعبہ معارف اسلامیہ کے ڈین شکیل اوج کے قتل کے تین روزہ سوگ کے بعد جامعہ کھل گئی ۔ اساتذہ کا احتجاج جاری رہنے سے تدریسی عمل معطل ۔ جامعہ کراچی تین روزہ سوگ کے بعد آج کھل گئی ۔ انتظامی شعبے میں کام شروع ہوگیا ، انجمن اساتذہ جامعہ کراچی نے احتجاج کے باعث تدریسی عمل معطل رکھنے کا اعلان کیا ہے ۔

(جاری ہے)

اساتذہ کی احتجاجی ریلی آرٹس لابی سے جوبلی گیٹ تک نکالی جائے گی ۔ جامعہ کراچی کے شعبہ معارف اسلامیہ کے ڈین شکیل اوج کے قتل کے واقعہ کے بعد جامعہ کا تدریسی اور غیر تدریسی عمل بند ہوگیا تھا ۔ جامعہ کی اساتذہ تنظیم نے تین روزہ سوگ کا اعلان کیا تھا ۔ اس دوران ہونے والے امتحانات بھی ملتوی کر دئیے گئے ۔ جامعہ کے ترجمان کے مطابق جامعہ کے تحت امتحانات شیڈول کے مطابق ہوں گے ۔