دنیا میں امن محروم طبقوں کو حق دیئے بغیر ممکن نہیں ، تشدد کے خاتمے کیلئے امن پسند قوتوں کو متحد ہونا ہو گا‘ طاہر محمود اشرفی
ہفتہ 20 ستمبر 2014 17:46
لاہور (اُردو پوائنٹ اخبار تازہ ترین۔20ستمبر۔2014ء ) پاکستان علماء کونسل کے مرکزی چیئرمین حافظ محمد طاہر محمود اشرفی نے کہا ہے کہ دنیا میں امن محروم طبقوں کو حق دیئے بغیر ممکن نہیں ہے، بین المسالک و بین المذاہب مکالمہ سے امن کی راہ ہموار ہو سکتی ہے ۔یہ بات انہو ں نے عالمی یوم امن کے موقع پر انٹر فیتھ ہارمنی کونسل انٹر نیشنل کے زیر اہتمام ہونے والی ایک تقریب سے خطاب کرتے ہوئے کہی۔
اس موقع پر مولانا زاہد محمود قاسمی ، فادر جیمز چنن ،فادر فرانسز ندیم ،فادر پاسکل پاؤل ، علامہ زبیر عابد، ڈاکٹر مارکوس فدا ، پاسٹر انور فضل ، ڈاکٹر مجید ابیل، ڈاکٹر سعدیہ عمر اور جاوید ولیم نے بھی خطاب کیا۔ انہوں نے کہا کہ تشدد کے خاتمے کے لیے امن پسند قوتوں کو متحد ہونا ہو گا۔(جاری ہے)
دنیا میں امن ،امن پسند قوتوں کے اتحاد سے ہی ممکن ہے ۔
انہوں نے کہا کہ مختلف مذاہب اور مسالک کے مقدسات کا احترام امن کی بنیاد ہے۔ کسی بھی مذہب کے مقدسات کی توہین تشدد کو تقویت دینے اور امن کی کوششوں کو کمزور کرنے کے مترادف ہے۔انہوں نے کہا کہ پاکستان میں موجود غیر مسلم مذاہب کی جان و مال اور عزت و آبرو کا تحفظ حکومت اور مسلمانوں کی ذمہ داری ہے اور پاکستان میں تشدد اور نفرت کے خلاف اٹھنے والی آوازیں مضبوط ہو رہی ہیں اور متشددانہ رویے کمزور ہو رہے ہیں۔ پاکستان علماء کونسل کے مرکزی سیکرٹری جنرل صاحبزادہ زاہد محمود قاسمی نے کہا کہ پاکستان علماء کونسل کی جدوجہد ملک کے اندر امن ، محبت اور رواداری کے لیے ہے ۔ ہم تمام مذاہب اور مسالک کے لوگوں کو دعوت دیتے ہیں کہ وہ ایک نقطے پر جمع ہو جائیں کہ” اپنا مسلک چھوڑو نہیں کسی کا مسلک چھیڑو نہیں“ اور قرآن کریم کے حکم ”تمہارے لیے تمہارا دین ، ہمارے لیے ہمارا دین “ کو شعار بنا کر اس پر عمل کیا جائے۔انہوں نے کہا کہ پاکستان علماء کونسل نے ہمیشہ پرتشدد سر گرمیوں کی مذمت کی ہے اور ملک بھر میں مختلف مسالک اور مذاہب کے درمیان پیدا ہونے والے تصادم کو افہام و تفہیم سے حل کروانے کی کوشش کی ہے ۔فادر جیمز چنن نے تقریب سے خطاب کرتے ہوئے کہا کہ تمام مذاہب امن کا پیغام دیتے ہیں اور امن کے قیام کے لیے مکالمہ کو رواج دینا ہو گا ۔ مکالمہ سے ہی غلط فہمیاں دور ہوتی ہیں اور قربتیں بڑھتی ہیں۔متعلقہ عنوان :
مزید اہم خبریں
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
-
پٹرولیم ڈیلرز ایسوسی ایشن نے قیمتوں کو ڈی ریگولیٹ کرنے کی حکومتی پالیسی کو مسترد کر دیا
-
عمران خان اور بشریٰ بی بی کےخلاف انتقام کی انتہا کردی گئی،سینیٹر علی ظفر
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.