ای او بی آئی کورواں سال7 ارب روپے کی اضافی آمدنی ہوئی،ادارے میں رجسٹرڈ کمپنیوں و کاروباری افراد کی تعداد 97 ہزار، ملازمین کی تعداد 61 لاکھ سے تجاوز کر گئی؛چیئرمین ایوب شیخ
جمعرات 18 ستمبر 2014 17:04
کراچی(اُردو پوائنٹ اخبار تازہ ترین۔18ستمبر۔2014ء)چیئرمین ایمپلائز اولڈ ایج بینیفٹ انسٹی ٹیوشن(ای او بی آئی)محمد ایوب شیخ نے کہا ہے کہ ادارے کو گزشتہ سال کے مقابلے میں رواں سال7 ارب روپے کی اضافی آمدنی ہوئی ہے،ادارے میں رجسٹرڈ کمپنیوں اور کاروباری افراد کی تعداد 97 ہزار اور ملازمین کی تعداد 61 لاکھ سے تجاوز کر گئی ہے، ایک سال کے دوران ادارے کے اخراجات میں (34 کروڑ روپے) 37 فیصد کٹوتی کی گئی ہے، ادارے میں چیک اینڈ بیلنس کے نظام کو مضبوط بنانے کیلیے مینول نوٹسز کی جگہ الیکٹرانک جنریٹڈ ریکوری نوٹسز متعارف کرائے گئے ہیں۔
گزشتہ روز ایک سالہ کارکردگی پر پریس کانفرنس سے خطاب میں انھوں نے کہا کہ پنشنرز کی رقم کو محفوظ بنانے کیلیے سہارا انشورنس کمپنی قائم کی جارہی ہے۔(جاری ہے)
ایک سال کے دوران ادارے کو کنٹری بیوشن کی مد میں 2 ارب روپے اور سرمایہ کاری کی مد میں 5 ارب روپے کی اضافی آمدنی ہوئی، رجسٹرڈ ملازمین کی تعداد 61 لاکھ سے تجاوز کرگئی ہے تاہم ہمیں 1 کروڑ 10 لاکھ ملازمین کو رجسٹرڈ کرنے کا ہدف حاصل کرنا ہے۔
انھوں نے بتایا کہ پنشنرز کی سہولت کیلیے نجی بینک سے بات چیت جاری ہے جس کے تحت پنشنرز کو اے ٹی ایم کارڈ جاری کیے جائیں گے اور انھیں ہر 6 ماہ بعد صرف ایک مرتبہ بینک آکر اپنے فنگر پرنٹ کی تصدیق کرانی ہوگی۔انھوں نے بتایا کہ کم از کم پنشن 6 ہزار روپے مقرر نہ کرنے کی بنیادی وجہ 18ویں ترمیم کے بعد پیدا ہونے والی قانونی پیچیدگیاں ہیں، فوری طور پر مسئلے کے حل کیلیے وفاقی حکومت سے ساڑھے 7 ارب روپے مانگے ہیں جس کی منظوری کا انتظار ہے، 399 غیر ضروری اسامیاں ختم جبکہ غیرقانونی طور پر بھرتی کیے گئے 358 ملازمین کو فارغ کردیا گیا ہے۔ اس موقع پر ڈی جی انویسمنٹ شکیل منگنیجو اور ڈی جی ایچ آر غلام محمد میمن بھی موجود تھے۔مزید اہم خبریں
-
ملک درست سمت میں آگے بڑھ رہاہے، کلیدی اقتصادی اشاریوں سے معاشی بہتری اوراستحکام کی عکاسی ہورہی ہے.محمد اورنگزیب
-
فارمی چوزے کی افغانستان کو ایکسپورٹ میں کمی کے مقامی مارکیٹ پر مثبت اثرات سامنے آنے لگے
-
یہ تاثر غلط ہے کہ وزارت خارجہ نے امریکی سفیر سے ملاقات طے کرائی
-
سوشل میڈیا پر پابندی کے سوال پر ترجمان پاک فوج کا قرآن کی آیت کا حوالہ
-
واحد راستہ قوم سے معافی ،ترجمان پاک فوج نی9 مئی کے مسئلے کا حل بتادیا
-
9 مئی کے ذمہ دار وہ ہیں جن لوگوں نے رینجرز کے یونیفارم میں عدالتی احاطے میں عمران خان پر حملہ کیا
-
متحدہ عرب امارات میں بچوں میں پڑھنے کے شوق کو تقویت دینے کے مقصد
-
توشہ خانہ گاڑی ریفرنس، احتساب عدالت نے صدر زرداری کے خلاف کارروائی روک دی
-
ڈی جی آئی ایس پی آر کی تمام تر پریس کانفرنس حقائق کے منافی ہے
-
ترجمان آئی ایس پی آر نے 2014 کے دھرنے ،پارلیمنٹ پر حملے کی جوڈیشل کمیشن بنانے کی تجویز دیدی
-
سیاسی جماعتوں کیلئے ملک کی اسٹیبلشمنٹ سے لڑائی کا نقصان ہے
-
غزہ: اسرائیلی کارروائیوں میں شدت جبکہ اہم امدادی راہداریاں بند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.