ملکی معیشت کو اربوں روپے کا ٹیکہ لگانے پر دھرنا لیڈران کو مبارکباد پیش کرتا ہوں،خواجہ سعد رفیق
جمعرات 18 ستمبر 2014 13:55
اسلام آباد(اُردو پوائنٹ اخبار تازہ ترین۔18ستمبر۔2014ء) وفاقی وزیر ریلوے خواجہ سعد رفیق نے کہا ہے کہ عمران خان اور طاہرالقادری کی وجہ سے ملکی معیشت کو اربوں ڈالر کا نقصان ہوا ہے‘ دونوں دھرنا لیڈروں کو پاکستان کی ترقی ہضم نہیں ہورہی‘ پارلیمنٹ‘ عدلیہ اور محب وطن پاکستانیوں کی تذلیل کرنے میں کوئی کسر نہیں چھوڑی۔ ان خیالات کا اظہار انہوں نے جمعرات کے روز پارلیمنٹ ہاؤس کے باہر وزیر مملکت برائے پانی و بجلی عابد شیر علی کیساتھ مشترکہ پریس کانفرنس کرتے ہوئے کیا۔
خواجہ سعد رفیق نے کہا کہ ملکی معیشت کو اربوں روپے کا ٹیکہ لگانے پر دھرنا لیڈران کو مبارکباد پیش کرتا ہوں۔ غیر ملکی سرمایہ کاری کو روکنے کیلئے عمران خان اور طاہرالقادری پیش پیش ہیں۔ ان دونوں لیڈروں کو پاکستان کی ترقی ہضم نہیں ہورہی۔(جاری ہے)
پارلیمنٹ ہاؤس اور عدلیہ کو تذلیل کرنے میں کوئی کسر نہیں چھوڑی۔ انہوں نے کہا کہ عمران خان اور طاہرالقادری عورتوں اور بچوں کو ڈھال بناکر حکومت کو مفلوج کیا ہوا ہے۔
عورتوں اور بچوں کو یرغمال بناکر رکھا ہوا ہے۔ عمران خان نے عملاً خیبرپختونخواہ کی حکومت کو قید کیا ہوا ہے ان کو فوری طور پر رہا کیا جائے۔ اس موقع پر انہوں نے چین کے صدر کے دورے کے متعلق سوال کے جواب میں کہا کہ پاکستان کی معیشت میں جو غیر ملکی سرمایہ کاری آنا تھی جو عمران خان اور طاہرالقادری کی وجہ سے نہیں ہوسکی۔ عمران خان اور طاہرالقادری نے غیر ملکی سرمایہ کاری کو سبوتاژ کیا۔ اس موقع پر وزیر مملکت برائے پانی و بجلی عابد شیر علی نے کہا کہ چین کے صدر کے دورے کے موقع پر سارھے دس ہزار میگاواٹ کے منصوبے پر دستخط ہونا تھے اس کے علاوہ گڈانی منصوبے اور 50‘ 50 میگاواٹ کے کئی یونٹ قائم کرنے تھے لیکن بدقسمتی سے نہ ہوسکے۔ وزیراعظم نے بیسیوں مرتبہ چین کے دورے کئے جس کی وجہ سے چین پاکستان کے اندر سرمایہ کاری پر مجبور ہوا لیکن اس غیر ملکی سرمایہ کاری کو عمران خان اور طاہرالقادری نے سبوتاژ کیا۔ انہوں نے کہا کہ عمران خان کی پہلی سیاسی پارٹی ہے جس نے فوج جیسے ادارے اور عدلیہ کو متنازعہ بنایا قوم انہیں کبھی معاف نہیں کرے گی۔ انہوں نے کہا کہ ملک اس وقت سیلاب جیسی مصیبت سے لڑ رہا ہے لیکن یہاں ناچ گانے کی محفلیں جمی ہوئی ہیں۔ انہوں نے کہا کہ پورٹ قاسم جیسے منصوبوں پر کام نہ ہونے کی وجہ سے ملک بھر سے بجلی کے شارٹ فال کا سامنا کرنا پڑے گا۔ انہوں نے کہا کہ عمران خان ملکی معیشت کے دشمن ہیں اور پاکستانیوں کی عزت کو پامال کررہے ہیں جس کی وجہ سے خانہ جنگی جیسی صورتحال پیدا ہورہی ہے۔ اس ملک کو بچانا ہوگا۔ ایک سوال کے جواب میں انہوں نے کہا کہ دھرنوں کی سیاست کو ختم ہونا چاہئے۔ عمران خان اب عملی کام پر توجہ دیں۔ انہوں نے کہا کہ بجلی کے بلوں میں اضافے کی تحقیقات ہورہی ہیں۔ ڈاکٹر مصدق اس تحقیقات پر مکمل رپورٹ پیر کے روز کابینہ کی میٹنگ میں پیش کریں گے اور وزیراعظم اس پر فیصلہ دیں گے۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.