شریف فیملی کا جھنگ میں کسی بھی قسم کا کوئی کاروبار نہیں ہے،زعیم حسین قادری،عمران خان شریف فیملی پر الزامات لگا کر لوگوں کو گمراہ کر رہے ہیں،اٹھارہ ہزاری بند میں شگاف کسی با اثر شخصیات کی زمین بچانے کے لئے نہیں کیا بلکہ جھنگ شہر کو بچانے کے لئے کیا گیا،دریائے چناب پر زیر تعمیر پل سے بھوانہ اور اس سے ملحقہ تحصیل کے لاکھوں لوگوں کو فائدہ ہو گا،سید زعیم حسین کی پریس کانفرنس
منگل 16 ستمبر 2014 19:08
لاہور(اُردو پوائنٹ اخبار تازہ ترین۔16ستمبر 2014ء) حکومت پنجاب کے ترجمان زعیم حسین قادری نے کہا ہے کہ عمران خان کے شریف فیملی پر جھنگ میں کاروبار سے متعلق الزامات جھوٹ کا پلند ہ ہیں -شریف فیملی کا جھنگ میں کسی بھی قسم کا کوئی کاروبار نہیں ہے -عمران خا ن کو سلمان شہباز کے مناظرے کا چیلنج قبول کرنے کی دعوت دیتا ہوں -دریائے چناب پر زیر تعمیر پل سے بھوانہ اور اس سے ملحقہ تحصیل کے لاکھوں لوگوں کو فائدہ ہو گا-پل کی تعمیر کسی ایک فرد کی منشا کے لئے نہیں ہوتی بلکہ اس کی مکمل سٹڈی کی جاتی ہے جس کی روشنی میں میگا پراجیکٹ کی منظوری دی جاتی ہے -اٹھارہ ہزاری بند میں شگاف کسی با اثر شخصیات کی زمین بچانے کے لئے نہیں کیا بلکہ جھنگ شہر کو بچانے کے لئے کیا گیا -شگاف ڈالنے کافیصلہ 1935ء سے بیراج ریگولیشن بک میں موجود طریق کار کے مطابق بریچ کیلئے طے شدہ جگہ پرکیا جاتا ہے -ان خیالات کا اظہار انہوں نے ایوان وزیر اعلی میں پریس کانفرنس سے خطاب کرتے ہوئے کیا-اس موقع پر سیکرٹری ایریگیشن سیف انجم،چیف انجینئر آبپاشی،چیف انجینئر ہائی وے اور ایس ای ہائی وی بھی موجود تھے-سید زعیم حسین قادری نے کہا کہ جھنگ میں شریف فیملی کا کسی قسم کا کوئی بزنس نہیں -عمران خان شریف فیملی پر الزامات لگا کر لوگوں کو گمراہ کر رہے ہیں -انہوں نے کہا کہ عمران خان کو سلمان شہباز کے مناظرے کے چیلنج کی دعوت دتیا ہوں مگر وہ یہ دعوت قبول نہیں کریں گے کیونکہ اس سے ان کے جھوٹ کا پول کھل جائے گا-انہوں نے کہا کہ دریائے چناب میں بھوانہ کے مقام پر پل کی تعمیر سے کاروباری کسی بااثر شخصیت کو نہیں بلکہ بھوانہ کے غریب کسانوں اور علاقے کے لاکھوں مکینوں کو پہنچے گا-انہوں نے کہا کہ پل کی تعمیر سے قبل اس کی مکمل سٹڈی کی گئی ہے اور اس کی تعمیر کاٹھیکہ این ایل سی کو دیا گیا-اس کا آغاز 22مارچ کو ہوا اور اس کی تکمیل 2اکتوبر کو ہونا تھی مگر سیلاب کی وجہ سے تاخیر ہو گئی -انہوں نے بتایا کہ اس پل کی تعمیر سے بھوانہ کے لوگ 116کلو میٹر فاصلہ طے کرنے کی بجائے اب صرف14کلومیٹر کا سفر کر کے اپنی منزل پر پہنچ سکیں گے-انہوں نے بتایا کہ اس پل سے روزانہ 4ہزار ایک سو گاڑیاں گزریں گے-سید زعیم حسین قادری نے مزید بتایا کہ اٹھارہ ہزاری بند کو 1935کی بیراج ریگولیشن بک میں موجود طریق کار کے مطابق بریچ کمیٹی کے متفقہ فیصلے کے بعد توڑا گیا -انہوں نے بتایا کہ ایکسیئن ایریگیشن ،ڈی سی او اور انجینئرنگ کو کے بریگیڈیئر کے عہدے پر مشتمل کمیٹی توڑنے کا اعلان کرتی ہے -انہوں نے بتایا کہ جب پانی کا لیول ریڈ لائن 500فٹ تک پہنچتا ہے تو بند توڑنے کا فیصلہ کیا جاتا ہے -انہوں نے کہا کہ عمران خان گزشتہ 33دنوں سے جھوٹ بولنے کا گینز ورلڈ بک کا ریکارڈ توڑ دیا ہے -انہوں نے کہا کہ عمران خان نے پل کی تعمیر سے متعلق قوم کے ساتھ غلط بیانی کی ہے اور پل کی تعمیر سے فائدہ اٹھانے والے 30لاکھ کے قریب کسانوں اور وہاں کے مکینوں کا مذاق اڑایا ہے -انہوں نے کہا کہ آج بھوانہ اور ان کی نزدیکی تحصیلوں کے لوگوں میں شدید غم وغصہ پایا جاتا ہے -انہوں نے کہا کہ عمران خان کو اپنے جھوٹ کے ریکارڈ کا حساب نہ صرف عوامی عدالت بلکہ ملک کی اعلی عدالتوں میں دینا پڑے گا-انہوں نے کہا کہ عمران خان ہر روز نئی بات کرنے کا وعدہ کر کے لوگوں کو33دن سے ایک ہی بات کر کے گمراہ کرنے کا سلسلہ بند کریں یہی وجہ ہے کہ عوام ان کے اس نا جائز دھرنے کا بائیکاٹ کئے ہوئے ہیں-اگر لوگوں کو دھرنے میں آنا بند کر دیا ہے تو وہ اس کاغصہ پاکستانی قوم پر مت نکالیں-
مزید اہم خبریں
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پاکستان تحریک انصاف کو بلاک کوڈ لیول تک منظم اور متحرک کرنے کے عمل کا آغاز کر دیا گیا
-
یوسف رضا گیلانی سے سردارایاز صادق کی ملاقات ،بہترین عوامی مفاد میں قانون سازی کے حوالے سے گفتگو
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ
-
سردارایازصادق سے برطانوی ہائی کمشنر کی ملاقات ، دوطرفہ تعلقات پر گفتگو
-
چیئرمین سینٹ سید یوسف رضا گیلانی سے سپیکرقومی اسمبلی سردار ایازصادق کی پارلیمنٹ ہاؤس میں ملاقات،عہدہ سنبھالنے پرمبارکباد دی
-
سندھ ہائیکورٹ کا اڈیالہ جیل میں قید عمران خان سمیت دیگر رہنماﺅں کی سیکورٹی یقینی بنانے کا حکم
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ کا بلوم برگ کوانٹرویو
-
پاکستان برطانیہ کے ساتھ دیرینہ تعلقات کو بہت اہمیت دیتا ہے ، سپیکرقومی اسمبلی کی برطانوی ہائی کمشنر سے ملاقات میں گفتگو
-
سپریم کورٹ و ہائیکورٹس میں ججز کی خالی آسامیاں پرکرنا ترجیح ہے، چیف جسٹس آف پاکستان قاضی فائز عیسیٰ کا لاہور رجسٹری میں سپریم کورٹ بار سے خطاب
-
محسن نقوی کا غیرموثراورزائد المیعاد شناختی کارڈز پرجاری شدہ موبائل سمزکو بند کرنے کا حکم
-
وزیراعظم نے بدرشہبازوڑائچ کو اپنا میڈیا کوآرڈینیٹرمقرر کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.