یہودی جرمن ثقافت کا اہم جزو ہیں،جرمن چانسلر

پیر 15 ستمبر 2014 13:42

برلن (ارد پوائنٹ تازہ ترین اخبار 15 ستمبر 2014) غزہ کے حالیہ تنازعے کے تناظر میں، جرمنی میں یہودیوں کے خلاف حملوں کے واقعات میں ہونے والے اضافے کے بعد جرمنی میں نکلنے والی ایک ریلی سے خطاب کرتے ہوئے، جرمن چانسلرنجیلا مرکل نے اِس بات کا عہد کیا کہ یہودی مخالف جذبات کے انسداد کی کوششیں تیز کی جائیں گی۔امریکی نشریاتی ادارے کے مطابق گزشتہ روز برلن کے ’برینڈن برگ گیٹ‘ پر ہونے ولے ایک مظاہرے کے شرکا ء سے خطاب کرتے ہوئے، مِز مرخیل نے زور دے کر کہا کہ یہودی طرزِ زندگی جرمنی کی شناخت اور ثقافت کا جْزو ہے۔

اْنھوں نے کہا کہ یہ جرمنی کے قومی اور شہری فرائض میں شامل ہے کہ یہودیوں کے خلاف جذبات کا تدارک کیا جائے۔انجیلا مرکل نے کہا کہ کوئی بھی شخص جو یہودیوں کی ?مخصوص پہچان والی ٹوپی پر حملہ کرتا ہے، وہ در اصل ہم سب پر حملہ کرتا ہے۔

(جاری ہے)

اْنھوں نے کہا کہ اْنھیں یہ بات ناگوار گزرتی ہے کہ یہودی والدین یہ سوال اٹھائیں آیا جرمنی میں وہ اپنے بچوں کی پرورش کر سکتے ہیں۔

اْنھوں نے کہا کہ وہ چاہتی ہیں کہ جرمنی میں رہنے والے یہودی اپنے آپ کو محفوظ سمجھیں۔جرمن صدر، یاشم گوک اور ’عالمی یہودی کانگریس‘ کے صدر، رونالڈ لوڈر نے بھی ریلی میں شرکت کی۔جنگ عظیم دوئم کے دوران، نازی جرمنی کے ہاتھوں، کم از کم 60 لاکھ یہودیوں کی ہلاکت کا معاملہ گذشتہ 75 برسوں سے جرمنی کے لیے ملامت کا باعث بنا ہوا ہے۔

Facebook Twitter Google + Share on Whatsapp

یہودی جرمن ثقافت کا اہم جزو ہیں،جرمن چانسلر

متعلقہ عنوان :

مزید بین الاقوامی خبریں