پاک فوج کا ریسکیو آپریشن جاری، امدادی سرگرمیوں میں نائب صوبیدار شہید

اتوار 14 ستمبر 2014 20:25

ملتان(اُردو پوائنٹ اخبار تازہ ترین۔14ستمبر۔2014ء) سیلاب سے متاثرہ علاقوں میں پاک فوج کا ریسکیو اور ریلیف آپریشن جاری، 37 ہزار افراد کو محفوظ مقام پر منتقل کیا۔ ملتان میں امدادی سرگرمیوں میں نائب صوبیدار شہید ہو گیا۔پاک فوج کے شعبہ تعلقات عامہ (آئی ایس پی آر) کے مطابق فوج نے سیلاب سے متاثرہ علاقوں میں 37 ہزار افراد کو محفوظ مقام پر منتقل کیا ہے۔

ہیلی کاپٹرزنے اب تک 206 گھنٹے امدادی کاموں کے سلسلے میں پروازیں کیں۔

(جاری ہے)

میڈیکل کیمپوں سے متاثرین کو طبی امداد فراہم کی جا رہی ہے جبکہ سیلاب سے متاثرہ افراد کو 80 ٹن خوراک فراہم کی جا چکی ہے۔ آئی ایس پی آر کے مطابق امدادی سرگرمیوں کے دوران پاک فوج کے ایک نائب صوبیدار شہید ہو گئے ہیں۔ ریسکیو آپریشن کے دوران شہید ہونے والے نائب صوبیدار کی نماز جنازہ آرمی گراؤنڈ ملتان میں ادا کر دی گئی ہے۔ نماز جنازہ میں کور کمانڈر ملتان لیفٹنٹ جنرل عابد پرویز سمیت فوجی افسران شریک ہوئے۔ نماز جنازہ کے بعد میت کو پلندری روانہ کر دیا گیا جہاں ان کی تدفین کی جائے گی