خادم پنجاب نے دن رات سیلاب میں گھرے بہن بھائیوں کے لئے وقف کر دئیے ،10گھنٹے کے طویل دورے کے بعد دروغہ والا پہنچے ، رات گئے تک کابینہ کمیٹی کے اجلاس کی صدارت کی

منگل 9 ستمبر 2014 23:22

لاہور(اُردو پوائنٹ اخبار تازہ ترین۔9ستمبر 2014ء) وزیراعلیٰ پنجاب محمد شہبازشریف نے اپنے دن رات سیلاب متاثرین کی بے لوث مدد کے لئے وقف کر دئیے -شہبازشریف گزشتہ 6روز سے مسلسل متاثرہ علاقو ں میں ریسکیو اور ریلیف سرگرمیوں کا جائز ہ لینے کے لئے طویل دورے کر رہے ہیں - وزیراعلیٰ محمد شہبازشریف نے آج ہیڈ تریموں جھنگ ، چنیوٹ ، وزیر آباد اور کوٹ مومن(سرگودھا)کے10گھنٹے تک دورے کئے اور بعدازاں لاہور واپس آتے ہی دروغہ والا گئے - جہاں انہوں نے مسجد کی چھت گرنے سے قیمتی انسانی جانو ں کے ضیاع پر لواحقین سے اظہار افسوس کیا اور صورتحال کا جائزہ لیا -وزیراعلیٰ نے کابینہ کمیٹی برائے فلڈ ریلیف کے اجلاس کی صدارت کی یہ اجلاس2 گھنٹے تک جاری رہا-وزیراعلیٰ رات گئے تک سیلاب کی صورتحال کو مانیٹر کرتے رہے اور ضروری ہدایات جاری کرتے رہے-