عوام نے وزیراعظم کے بجلی کے بحران کے خاتمے کیلئے اقدامات کو ناکافی قرار دیا
منگل 2 ستمبر 2014 22:06
اسلام آباد (اُردو پوائنٹ اخبار تازہ ترین۔2ستمبر۔2014ء) عوام نے وزیراعظم نواز شریف کے بجلی کے بحران کے خاتمے کیلئے اقدامات کو ناکافی قرار دیا ہے جبکہ حکومت اپنے چودہ ماہ کے دوران غربت میں خاتمے کیلئے بھی کوئی قابل ذکر کارکردگی نہیں دکھا سکی تاہم پنجاب حکومت کی کارکردگی دیگر صوبائی حکومتوں کے مقابلے میں بہتر رہی ہے۔ یہ بات پاکستان انسٹیٹیوٹ آف لیجسلیٹو ڈویلپمنٹ اینڈ ٹرانسپرنسی (پلڈاٹ) نے منگل کو جاری ہونے والے سروے میں کہی رپورٹ کے مطابق وفاقی حکومت نے نظم و نسق کی بہتری کیلئے ایجنڈے اور اقدامات کا اعلان کیا تھا تاہم وہ کوئی بہتری لانے میں کامیاب نہیں ہوسکی۔
چاروں صوبوں میں پنجاب کی کارکردگی دوسرے صوبوں کے مقابلے میں بہتر رہی۔ وزیراعلیٰ پنجاب کی کارکردگی کو 65 فیصد نے بہتر جبکہ 32 فیصد نے سروے کے دوران برا یا انتہائی برا قرار دیا۔
(جاری ہے)
خیبرپختونخواہ کے وزیراعلیٰ کی کارکردگی کو 57 فیصد نے برا اور 37 فیصد نے اچھا قرار دیا ۔ وزیر اعلیٰ بلوچستان کی کارکردگی کو 33فیصد نے اچھا اور سندھ کے وزیراعلیٰ کی کارکردگی کو 29 فیصد نے اچھا یا بہت اچھا قرار دیا۔
وزیراعظم کو 46 فیصد لوگوں نے بہتر قرار دیا جبکہ 52 فیصد نے ان کی کارکردگی کو برا یا بہت برا قرار دیا۔ عوام نے قومی سلامتی کے تحفظ کیلئے حکومت کے اقدامات پر اطمینان ظاہر کیا جبکہ غربت کے خاتمے اور توانائی کی پیداوار کے حوالے سے کارکردگی کو برا قرار دیا۔اس طرح عوام نے بڑے چیلنجوں میں حکومت کے اقدامات کو ناکافی قرار دیا۔ رپورٹ کے مطابق وفاقی حکومت کی اقتصادی پالیسیاں بھی بدلتی رہیں اور غربت کے خاتمے کا ہدف حاصل نہیں ہوسکا۔
سرمایہ کاری کیلئے ایک ساز گار فضاء کے حوالے سے ان کی مقبولیت 9 فیصد اور ٹیکسوں کی وصولی کے حوالے سے 15 فیصد کم ہوئی۔ رپورٹ کے مطابق اس طرح حکومتی اقتصادی اصلاحات اور پالیسیاں کامیاب نہیں رہیں۔ رپورٹ کے مطابق 27 فیصد پاکستانی بجلی کے بحران کو سب سے بڑا مسئلہ سمجھتے ہیں جبکہ 25 فیصد اس کے بعد مہنگائی کو بڑا مسئلہ سمجھتے ہیں۔ تیسرا بڑا مسئلہ بے روزگاری ہے اور اس کے بعد عدم تحفظ ‘ امن و امان اور دہشت گردی کو بڑے مسائل سمجھے جاتے ہیں۔ رپورٹ کے مطابق نیب کی درجہ بندی 42 فیصد رہی تاہم 52 فیصد کو اس پر اعتماد نہیں۔ فوج پر 73 فیصد کو اعتماد ہے جبکہ 25 فیصد عدم اعتماد کا اظہار کرتے ہیں اس طرح فوج کی درجہ بندی میں 48 فیصد اضافہ ہوا ہے۔ 69 فیصد پاکستانی پولیس پر اعتماد نہیں کرتے صرف تیس فیصد کو اعتماد ہے۔ رپورٹ کے مطابق زرداری کے مقابلے میں 46 فیصد نے نواز شریف کی کارکردگی کو بہتر اور 31 فیصد نے برا قرار دیا مشرف کے مقابلے میں یہ شرح 44فیصد رہی۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.