خوشی کی بات ہے فوج اور اسکی قیادت آئین کی حدود کے اندر رہتے ہوئے اپنا کردار ادا کرنے پر مکمل یقین رکھتی ہے‘ منظور وٹو ،
موجودہ سیاسی بحران بلاشبہ موجودہ حکومت کی مختلف واقعات کی مس ہینڈلنگ کا نتیجہ ہے ‘ صدر پیپلز پارٹی پنجاب کی کارکنوں سے گفتگو
منگل 2 ستمبر 2014 20:13
لاہور (اُردو پوائنٹ اخبار تازہ ترین۔2ستمبر۔2014ء) پاکستان پیپلز پارٹی پنجاب کے صدر میاں منظور احمد وٹو نے کہا ہے کہ پیپلز پارٹی کی پچھلی جمہوری حکومت اور آج بھی عسکری ادارے کا کردار اس ضمن میں واضح ہے ، عسکری قیادت جمہوریت اور اسکے تسلسل کو یقینی بنانے میں مخلص ہے، خوشی کی بات ہے کہ فوج اور اسکی قیادت آئین کی حدود کے اندر رہتے ہوئے اپنا کردار ادا کرنے پر مکمل یقین رکھتی ہے۔
اپنے دفتر میں ملاقات کے لئے آنیوالے کارکنوں سے گفتگو کرتے ہوئے میاں منظور احمد وٹو نے کہا کہ انتخابی دھاندلی کی تحقیقات کروانا اشد ضروری ہے کیونکہ یہ اب قومی مطالبہ بن کر ابھر آیا ہے اور ملک کی اکثریت سیاسی قیادت غیر جانبدارانہ تحقیقات پر متفق بھی ہے اور چاہتی ہے کہ اس کو جلد از جلد مکمل کیا جائے۔(جاری ہے)
انہوں نے کہا کہ انتخابی دھاندلی کی تحقیقات سپریم کورٹ سے جوڈیشل کمیشن کے ذریعے کرانا اس لیے بھی لازمی ہے تا کہ احتجاج کرنے والی پارٹیوں کو مطمئن کیا جاسکے۔
انہوں نے کہا کہ وزیراعظم کی مبینہ مداخلت کی پیش بندی کے لیے پارلیمانی پارٹیوں کے سربراہوں کی گارنٹی ہونی چاہیے اور عمران خان کو انکی گارنٹی کو تسلیم کرنا چاہیے۔ میاں منظور احمد وٹو نے کہا کہ موجودہ سیاسی بحران بلاشبہ موجودہ حکومت کی مختلف واقعات کی مس ہینڈلنگ کا نتیجہ ہے لیکن اس کا مطلب ہر گز یہ نہیں ہونا چاہیے کہ قوم جمہوریت کی راہ پر گامزن نہ رہے۔ میاں منظور احمد وٹو نے کہا کہ پیپلز پارٹی آئین اور جمہوریت کی بالا دستی پر ایمان کی حد تک یقین رکھتی ہے اور اس پر کسی سودے بازی کا سوچا بھی نہیں جا سکتا۔انہوں نے کہا کہ پیپلز پارٹی کی تاریخ گواہ ہے کہ اس نے جمہوریت اور عوام کے حقوق کے لیے بڑے نا مساعد حالات میں جدو جہد کی ہے۔ پیپلز پارٹی اعلیٰ اقدار کا دفاع کرنے کے لیے آج ماضی سے زیادہ پر عزم ہے خواہ اس کے لیے کتنی ہی قربانیاں دینا پڑیں۔میاں منظور احمد وٹو نے کہا کہ پیپلز پارٹی اپنے عظیم لیڈروں کی روایات کو زندہ و جاوید کرنے کے لیے کوئی کسر اٹھا نہ رکھے گیمتعلقہ عنوان :
مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
پنجاب حکومت کا طلباء کو الیکٹرک بائیک کے ساتھ پٹرول بائیک بھی دینے کا فیصلہ
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.