عمران قادری شام اور لیبیا جیسے حالات پیدا کر کے ایٹمی بساط لپیٹنا چاہتے ہیں ۔ چوہدری محمد برجیس طاہر
منگل 2 ستمبر 2014 19:39
اسلام آباد(اُردو پوائنٹ اخبار تازہ ترین۔2ستمبر۔2014ء) وفاقی وزیر برائے امور کشمیر و گلگت بلتستان چوہدری محمد برجیس طاہر نے کہا ہے کہ عمران خان اور طاہرالقادری ایک منظم منصوبہ بندی سے پاکستان کی ایٹمی صلاحیت کے خلاف سازش کررہے ہیں۔ دونوں کو اس ملک کی عزت، وقار، امن امان اور ترقی سے کوئی سروکار نہیں۔ وہ اس ملک میں مصر، عراق ، شام اور لیبیا جیسے حالات پیدا کر کے اس ملک کی ایٹمی بصاط لپیٹنا چاہتے ہیں۔
کوئی ملک اس وقت تک اپنا وجود برقرار نہیں رکھ سکتا جب تک اسکی معیشت اس کا ساتھ نہ دے۔ ہماری حکومت نے ایک سال سے کچھ زائد عرصے میں ہی اس ملک کی معیشت کو پٹڑی پر چڑھایا۔ ان خیالات کا اظہار انہوں نے اسلام آباد میں صحافیوں سے گفتگو کرتے ہوئے کیا۔ وہ پارلیمنٹ ہاؤس میں صحافیوں سے ملاقات کر رہے تھے۔(جاری ہے)
وفاقی وزیر نے کہا کہ ہم نے ملک میں جمہوری روایات کو پروان چڑھایا۔
یہی وجہ ہے کہ ہم نے آزاد کشمیر، بلوچستان، سندھ اور خیبر پختونخواہ سمیت تمام صوبوں میں دوسری جماعتوں کے مینڈیٹ کا احترام کیا۔ حالانکہ خیبر پختونخواہ میں تحریک انصاف کی اکثریت نہ ہونے کے باوجود ہم نے انکو وہاں حکومت بنانے کا موقع فراہم کیا۔ پاکستانی تاریخ میں آج پہلا موقع ہے کہ تمام سیاسی جماعتیں خواہ وہ اتحادی ہوں یا حزب اختلاف کی تمام کی تمام آئین اور پارلیمنٹ کی بالا دستی کیلئے حکومت کے ساتھ کھڑی ہیں۔ انہوں نے کہا کہ ہر وہ شخص جو جمہوریت پر یقین رکھتا ہے وہ اداروں کی بالادستی پر بھی یقین رکھتا ہے۔ چوہدری برجیس طاہر نے کہا کہ عمران خان اور طاہرالقادری نے دھاوا بول کر نہ صرف اداروں بلکہ اس سسٹم اور آئین کی بھی تضحیک کی ہے۔ انہوں نے کہا کہ لوگ اب ہم سے پوچھتے ہیں کہ اگر صوفی محمد پر آئین کی خلاف ورزی پر مقدمہ چل سکتا ہے تو عمران اور قادری پر کیوں نہیں چل سکتا۔ انہوں نے کہا کہ اگر عمران خان اور قادری اپنے مقاصد میں کامیاب ہو گئے تو وہ دن دور نہیں جب اس قماش کے دیگر متحارب گروہ کل کو ہماری دہلیز پر بیٹھے ہونگے اور حکومتوں کی تبدیلی مذاق بن کے رہ جائے گی۔مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.