Live Updates

تحریک انصاف کے ارکان کے استعفوں پر پارلیمنٹ کے فیصلے پرعمل کروں گا، اسپیکر قومی اسمبلی

منگل 2 ستمبر 2014 15:09

تحریک انصاف کے ارکان کے استعفوں پر پارلیمنٹ کے فیصلے پرعمل کروں گا، ..

اسلام آباد(اُردو پوائنٹ تازہ ترین اخبار۔2ستمبر 2014ء) اسپیکر قومی اسمبلی سردار ایاز صادق نے کہا ہے کہ وہ تحریک انصاف کے ارکان کے معاملے پر مفاہمت کے ممنتظر تھے لیکن اس سلسلے میں ایوان نے جو فیصلہ کیا وہی ان کا فیصلہ بھی ہوگا۔

(جاری ہے)

پارلیمنٹ کے مشترکہ اجلاس کے دوران ارکان کے اظہار خیال پر اسپیکر قومی اسمبلی کا کہنا تھا کہ تحریک انصاف کے رہنما ان کی غیر موجودگی میں استعفے ان کے چیمبرمیں جمع کرائے۔

اس موقع پر جن لوگوں نے گالیاں دیں یہ ان کی تربیت ہوگی لیکن ہم ایسا نہیں کریں گے۔ وہ استعفوں کے معاملے پر مفاہمت کے منتظر تھے، قانون کی رو سے انہیں یہ دیکھنا ہے کہ کہیں انہوں نے استعفے دباؤ میں تو نہیں دیئے۔ اس سلسلے میں ایوان نے جو فیصلہ کرے گا وہی ان کا اپنا فیصلہ ہوگا۔

واضح رہے کہ تحریک انصاف نے 10 روز قبل 31 ارکان اسمبلی کے استعفے قومی اسمبلی کے چیمبر میں جمع کرادیئے تھے۔

Live پاکستان تحریک انصاف سے متعلق تازہ ترین معلومات