اسلام آباد میں چند ہزار لوگوں کو اکٹھا کر کے وزیر اعظم کو استعفے پر مجبور نہیں کیا جاسکتا ‘ خرم دستگیر خان ،اسلام آباد میں لگے سیاسی تھیٹر کی وجہ سے پاکستان پر بیرونی سرمایہ کاروں کا اعتماد خراب ہوا ،بحال کرنے میں ایک عرصہ د رکار ہوگا،حکومت کی اب بھی کوشش ہے تما م معاملات خوش اسلوبی سے طے پا جائیں ‘ وفاقی وزیر تجارت کی اپنی رہائشگاہ پر میڈیا کے نمائندوں سے گفتگو
ہفتہ 30 اگست 2014 21:03
گوجرانوالہ (اُردو پوائنٹ اخبار تازہ ترین۔30اگست۔2014ء) وفاقی وزیر تجارت انجینئر خرم دستگیر خان نے کہا ہے کہ پارلیمان میں بیٹھے ہوئے 90فیصد نمائندے جمہوری نظام اور منتخب حکومت کے ساتھ ہیں،اسلام آباد میں چند ہزار لوگوں کو اکٹھا کر کے وزیر اعظم کو استعفے پر مجبور نہیں کیا جاسکتا ،جائز مطالبات تسلیم کر لینے کے باوجود دھرنے والوں کی ضد اور ہٹ دھرمی سے ثابت ہو گیا کہ دھرنے والوں کا مقصد انتخابی اصلاحات نہیں بلکہ منتخب حکومت کو گرانا تھا۔
ان خیالات کا اظہار انہوں نے اپنی رہائشگاہ پر میڈیا کے نمائندوں سے گفتگو کرتے ہوئے کیا ۔ خرم دستگیر خان نے کہا کہ معاشی استحکام کیلئے کی جانے والی 14 ما ہ کی حکومتی کاوشوں کو دھرنا سیاست نے 14دن میں شدید نقصان پہنچادیاہے،ڈالر کی قیمت بڑھنے سے ملکی قرضوں میں 350ارب کا اضافہ ہوچکا،سٹاک مارکیٹ میں 450ارب روپے ڈوب گئے۔(جاری ہے)
انہوں نے کہا کہ مسلم لیگ (ن) کی حکومت کی ان تھک محنت کی وجہ سے ملکی معیشت کے تمام اعشاریے مثبت جا رہے تھے بین الاقوامی اداروں کی ہماری معیشت کے بارے میں مثبت رپورٹس آرہی تھیں اور دنیا بھر کے سرمایہ کاروں کی توجہ ہمارے ملک کی طرف مبذول ہو چکی تھی،پاکستان کو یورپی ممالک میں جی ایس پی پلس سٹیٹس ملنے کے بعد 6ماہ میں برآمدات نمایاں طور پر بڑھیں ملک میں سرمایہ کاری کے رجحان میں خاطر خواہ اضافہ ہوا پچھلے برس حکومت کی کوشش سے تجارتی خسارے میں بھی کمی آئی اورپاکستان خوشحالی کی جانب گامزن ہو گیا تھالیکن افسوس کی بات یہ ہے کہ ہوس اقتدار میں مبتلا ایک گروہ سے حکومت کی یہ کامیابیاں ہضم نہیں ہو سکیں اور وہ ملکی ترقی کی راہ میں رکاوٹ بن کر حائل ہو گیاعوام نے دیکھ لیا کہ تحریک انصاف کے سربراہ جو مسلم لیگ ن کی قیادت کے بارے میں ٹیکس نہ دینے کی فرضی کہانیاں پھیلاتے تھے آج پوری قوم کو سول نافرمانی اور ٹیکس ادا نہ کرنے کی ترغیب دے رہے ہیں جس سے ملک کا بے تحاشہ نقصان ہو رہا ہے۔
انہوں نے کہا کہ اسلام آباد میں جاری دھرنا سیاست سے ملک میں جاری توانائی کے منصوبوں کی تکمیل میں شدید رکاوٹ کھڑی ہوگئی ہے اور دھرنے دینے والے اقتدار کی ہوس کو پورا کرنے کیلئے پاکستان کے معاشی مستقبل اور ہماری آنے والی نسلوں کی خوشحالی کے ساتھ گھناؤنا کھیل کھیل رہے ہیں،اسلام آباد میں لگے سیاسی تھیٹر کی وجہ سے پاکستان پر بیرونی سرمایہ کاروں کا اعتماد خراب ہوا ہے جسے بحال کرنے میں حکومت کو ایک عرصہ د رکار ہوگا۔وفاقی وزیر کا کہنا تھا کہ حکومت کی اب بھی کوشش ہے کہ دھرنا دینے والوں کے ساتھ تما م معاملات خوش اسلوبی سے طے پا جائیں اور دھرنے کے شرکا ء کسی قسم کے نقصان کا سامناکئے بغیرصحیح سلامت اپنے گھروں کو واپس جائیں۔متعلقہ عنوان :
مزید اہم خبریں
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
پی ٹی آئی کا اسلام آباد میں جلسہ کرنے کا فیصلہ، انتظامیہ کو درخواست دے دی
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
-
پاکستان نے جوابی فضائی حملے کیے، طالبان افغان سرزمین سے حملے روکیں، امریکا
-
ایم کیو ایم پاکستان سے کوئی اختلاف نہیں، فیصل واوڈا
-
شاہد خاقان عباسی کے خلاف ایل این جی ریفرنس پر سماعت ملتوی
-
صدر اور وزیرِ اعظم نیب کے گریجویٹ ہیں،شاہد خاقان عباسی
-
گیس و بجلی کی قیمتیں بڑھا کر صنعتوں کو تباہ کرنے کی کوشش کی جا رہی ہے. ڈاکٹر حفیظ پاشا
-
راولپنڈی پولیس،9مئی مقدمات میں پرویزالٰہی اور مراد سعید کے وارنٹ گرفتاری حاصل
-
بھارتی انتخابات:پولنگ سات مراحل میں44دن جاری رہے گی‘ہرووٹرتک پہنچیں گے.چیف الیکشن کمشنر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.