قیام امن کی خاطر سانحہ ماڈل ٹاؤن کی جھوٹی ایف آئی آر وزیراعظم تک کے خلاف درج کرنے کی اجازت دی ‘ پرویز رشید
ہفتہ 30 اگست 2014 13:07
اسلام آباد (اُردو پوائنٹ اخبار تازہ ترین۔30اگست۔2014ء) وزیراطلاعات ونشریات و قومی ورثہ سینیٹر پرویز رشید نے کہا ہے کہ حکومت نے قیام امن کی خاطر سانحہ ماڈل ٹاؤن کی جھوٹی ایف آئی آر وزیراعظم تک کے خلاف درج کرنے کی اجازت دی۔ایک انٹرویو میں انہوں نے کہا کہ 17 جون کو ماڈل ٹاؤن لاہور میں جب افسوسناک واقعہ پیش آیا اس وقت وزیراعظم محمد نوازشریف ملک سے باہر تھے۔
انہوں نے کہا کہ حکومت نے مسائل کا پرامن طور پر بہتر حل تلاش کرنے کیلئے زیادہ سے زیادہ لچک کا مظاہرہ کیا۔ انہوں نے دھرنے اور احتجاج کی سیاست کو مسترد کرنے پر عوام کا شکریہ ادا کرتے ہوئے کہا کہ مظاہرین کے دلائل میں کوئی وزن اور جواز نہیں ہے۔ انہوں نے کہا کہ حکومت نے سیاسی مسائل کا حل تلاش کرنے کی ہر ممکن کوشش کی ہے۔(جاری ہے)
ایک سوال کے جواب میں وفاقی وزیر سینیٹر پرویز رشید نے کہا کہ حکومت نے موجودہ صورتحال میں کسی سے ثالث یا ضامن کا کردار ادا کرنے کیلئے نہیں کہا۔
انہوں نے کہا کہ وفاقی دارالحکومت کی اہم عمارتوں اور حساس تنصیبات کی حفاظت کیلئے مسلح افواج کو آرٹیکل 245 کے تحت تعینات کیا گیا۔ پاکستان تحریک انصاف پر تبصرہ کرتے ہوئے انہوں نے کہا کہ عمران خان میڈیا ٹرائل اور حکومت پر بے بنیاد الزامات پر یقین رکھتے ہیں۔ انہوں نے پی ٹی آئی کے سربراہ عمران خان کی طرف سے جلسوں میں خود درخواست گزار، وکیل اور خود ہی جج بنتے ہوئے فیصلے سنانے پر حیرانگی کا اظہار کیا۔ انہوں نے بعض عناصر کے ذریعے حکومت پر بے بنیاد الزامات عائد کرنے پر پی ٹی آئی کے سربراہ پر تنقید کی۔ وفاقی وزیر سینیٹر پرویزرشید نے کہا کہ عوامی تحریک کے سربراہ طاہر القادری اور پی ٹی آئی کے سربراہ عمران خان خود اس بات کی وضاحت کرسکتے ہیں کہ وہ آرمی چیف آف سے کیوں ملنا چاہتے تھے۔متعلقہ عنوان :
مزید اہم خبریں
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
-
نواز شریف،یوسف رضاگیلانی کیخلاف توشہ خانہ ریفرنس،نیب سے رپورٹ طلب
-
اسلام آباد پولیس نے سینکڑوں سوشل میڈیا اکاؤنٹس بند کروا دیئے
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
پی ٹی آئی کا اسلام آباد میں جلسہ کرنے کا فیصلہ، انتظامیہ کو درخواست دے دی
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
-
پاکستان نے جوابی فضائی حملے کیے، طالبان افغان سرزمین سے حملے روکیں، امریکا
-
ایم کیو ایم پاکستان سے کوئی اختلاف نہیں، فیصل واوڈا
-
شاہد خاقان عباسی کے خلاف ایل این جی ریفرنس پر سماعت ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.